ଇରାନରେ କରୋନାଜନିତ ମୃତ୍ୟୁସଂଖ୍ୟା ୧୦୦ ଟପିଲା
ତେହେରାନ : ପଶ୍ଚିମ ଏସୀୟ ଦେଶ ତେହେରାନରେ କରୋନା ଭାଇରସଜନିତ ମୃତ୍ୟୁସଂଖ୍ୟା ଦ୍ରୁତ ଗତିରେ ବଢିଚାଲିଛି । ଗୁରୁବାରଦିନ ଏହା ୧୦୭କୁ ବୃଦ୍ଧି ପାଇଛି । କେବଳ ଏତିକି ନୁହେଁ , ମୋଟ ସଂକ୍ରମିତଙ୍କ ସଂଖ୍ୟା ମଧ୍ୟ ୩୫୧୩କୁ ବୃଦ୍ଧି ପାଇଛି । ଗତ ୨୪ ଘଣ୍ଟା ମଧ୍ୟରେ ୫୯୧ଟି ନୂଆ ସଂକ୍ରମଣ ମାମଲା ସାମନାକୁ ଆସିଛି ବୋଲି ଇରାନ ସ୍ୱାସ୍ଥ୍ୟ ମନ୍ତ୍ରାଳୟର ମୁଖପାତ୍ର କିଆନୁସ୍ ଜାହାନପୁର କହିଛନ୍ତି । କରୋନା ସଂକ୍ରମଣ କାରଣରୁ ଇରାନ ସରକାର ଆସନ୍ତା ୨୦ ତାରିଖ ପର୍ଯ୍ୟନ୍ତ ସବୁ ସ୍କୁଲ ଓ କଲେଜକୁ ବନ୍ଦ କରିଦେଇଛନ୍ତି । ଅନ୍ୟପକ୍ଷରେ ଇରାନରେ ଥିବା ଭାରତୀୟମାନଙ୍କ ପରୀକ୍ଷା କରିବା ପାଇଁ ଭାରତ ସରକାର ତେହେରାନରେ ଏକ ପରୀକ୍ଷା ଲ୍ୟାବ୍ ପ୍ରତିଷ୍ଠା କରିବାକୁ ନିଷ୍ପତ୍ତି ନେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତକାଲି ଇରାନର ବିଚାରବିଭାଗ ଦେଶର ବିଭିନ୍ନ ଜେଲରେ ବନ୍ଦୀ ଥିବା ୫୪ ହଜାର ଲୋକଙ୍କୁ ପ୍ୟାରୋଲ ଦେଇ ସାମୟିକଭାବେ ମୁକ୍ତ କରିବାକୁ ନିଷ୍ପତ୍ତି ନେଇଥିଲେ । ଜେଲରେ ସଂକ୍ରମଣ ରୋକିବାକୁ ଏହା କରାଯାଇଥିଲା । ସେମାନଙ୍କୁ ମୁକ୍ତ କରିବା ପୂର୍ବରୁ ସେମାନଙ୍କ ରକ୍ତ ପରୀକ୍ଷା କରାଯାଇଥିଲା । ଏଥିରେ ସେମାନେ ସଂକ୍ରମିତ ହୋଇନଥିବା ଜଣାପଡ଼ିଛି । କରୋନା ଭାଇରସ ସ୍ଥିତିରେ ଉନ୍ନତି ଆସିବା ପରେ ସେମାନଙ୍କୁ ପୁଣି ଜେଲକୁ ଫେରିବାକୁ ହେବ ।