ଇସ୍ରାଏଲକୁ ଖାମନେଇଙ୍କ ଧମକ “ଇଶ୍ବରଙ୍କ ଇଚ୍ଛାରେ ଇହୁଦୀମାନଙ୍କ ଉପରେ ଇରାନର ବିଜୟ ହେବ”

ତେହେରାନ: ଇରାନ ଏବଂ ଇସ୍ରାଏଲ ମଧ୍ୟରେ କ୍ରମାଗତ ଭାବରେ ବଢ଼ୁଥିବା ଉତ୍ତେଜନା ମଧ୍ୟରେ, ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମନେଇ ଏକ ଧାର୍ମିକ ବାର୍ତ୍ତା ମାଧ୍ୟମରେ ଇସ୍ରାଏଲକୁ ଏକ ଖୋଲା ଚେତାବନୀ ଦେଇଛନ୍ତି। ତାଙ୍କ ସରକାରୀ ସୋସିଆଲ ମିଡିଆ ଆକାଉଣ୍ଟରେ ସେ ଲେଖିଛନ୍ତି ଯେ ଆଲ୍ଲାଙ୍କ ସହାୟତାରେ ଶୀଘ୍ର ବିଜୟ । ଇଶ୍ବରଙ୍କ ଇଚ୍ଛାରେ ଇହୁଦୀମାନଙ୍କ ଉପରେ  ଇସ୍ଲାମୀୟ ଗଣତନ୍ତ୍ରର ବିଜୟ ହେବ ।“

ଏହି ବିବୃତ୍ତିକୁ ଇସ୍ରାଏଲ ବିରୁଦ୍ଧରେ ସିଧାସଳଖ ଯୁଦ୍ଧ ଘୋଷଣା ଭାବରେ ବିବେଚନା କରାଯାଉଛି। ଖାମନେଇଙ୍କ ଟ୍ୱିଟ୍ ଏପରି ଏକ ସମୟରେ ଆସିଛି ଯେତେବେଳେ ଇସ୍ରାଏଲ ଏବଂ ଇରାନ ମଧ୍ୟରେ ସାମରିକ ସଂଘର୍ଷ ଏକ ଅତ୍ୟନ୍ତ ବିପଜ୍ଜନକ ସ୍ଥିତିରେ ପହଞ୍ଚିଛି।

ଏହି ବିବୃତ୍ତିକୁ ଇସ୍ରାଏଲ ବିରୁଦ୍ଧରେ ସିଧାସଳଖ ଯୁଦ୍ଧ ଘୋଷଣା ଭାବରେ ବିବେଚନା କରାଯାଉଛି। ଖାମନେଇଙ୍କ ଟ୍ୱିଟ୍ ଏପରି ଏକ ସମୟରେ ଆସିଛି ଯେତେବେଳେ ଇସ୍ରାଏଲ ଏବଂ ଇରାନ ମଧ୍ୟରେ ସାମରିକ ସଂଘର୍ଷ ଏକ ଅତ୍ୟନ୍ତ ବିପଜ୍ଜନକ ସ୍ଥିତିରେ ପହଞ୍ଚିଛି।

ମଙ୍ଗଳବାର ଦିନ ଇରାନର ଉତ୍ତର-ପଶ୍ଚିମ ସହର ତାବ୍ରିଜ୍ରେ ଦୁଇଟି ବଡ଼ ବିସ୍ଫୋରଣ ଘଟିଥିଲା। ସ୍ଥାନୀୟ ଗଣମାଧ୍ୟମ ହମ୍ ମିହାନ୍ ଖବରକାଗଜ ରିପୋର୍ଟ କରିଛି ଯେ ଦୁଇଟି ବିସ୍ଫୋରଣ ପାଞ୍ଚ ମିନିଟ୍ ବ୍ୟବଧାନରେ ହୋଇଥିଲା। ଇରାନ ନ୍ୟୁଜ ଏଜେନ୍ସି ମେହେର ଏହି ଖବରକୁ ସ୍ବୀକାର କରିଛି । ଅନ୍ୟପଟେ ଇରାନ ପକ୍ଷରୁ ଇସ୍ରାଏଲ ଉପରେ ଘନ ଘନ ବାଲିଷ୍ଟିକ୍ କ୍ଷେପଣାସ୍ତ୍ର ମାଡ଼ କରାଯାଉଛି ।