ଇସ୍ରାଏଲର ଆସଦୋଦ ସହରକୁ ଟାର୍ଗେଟ୍ କଲା ଇରାନ

ତେଲ ଅଭିବ୍ : ଇସ୍ରାଏଲ ଏବଂ ଇରାନ ଉଭୟ ପରସ୍ପର ଉପରେ ଲଗାତାର ଆକ୍ରମଣ କରୁଛନ୍ତି। ଆମେରିକା ମଧ୍ୟ ଦୁଇ ଦେଶ ମଧ୍ୟରେ ଚାଲିଥିବା ଯୁଦ୍ଧରେ ପ୍ରବେଶ କରିଛି। ଆମେରିକାର ଆକ୍ରମଣ ପରେ, ସୋମବାର ଇରାନ ଇସ୍ରାଏଲର ଅନେକ ସହରକୁ ଟାର୍ଗେଟ କରି କ୍ଷେପଣାସ୍ତ୍ର ମାଡ଼ କରିଛି। ଇସ୍ରାଏଲ ଉପରେ ଏପରି ଏକ କ୍ଷେପଣାସ୍ତ୍ର ଆକ୍ରମଣର ଏକ ଭିଡିଓ ସାମ୍ନାକୁ ଆସିଛି। ଭିଡିଓରେ, ଇରାନ ଦ୍ୱାରା ନିକ୍ଷେପ କରାଯାଇଥିବା କ୍ଷେପଣାସ୍ତ୍ର ପରେ ଭୟଙ୍କର ଦୃଶ୍ୟ ଦେଖିବାକୁ ମିଳୁଛି।

ଇରାନ କ୍ଷେପଣାସ୍ତ୍ର ଇସ୍ରାଏଲର ଆସଦୋଦ ସହରକୁ ଟାର୍ଗେଟ କରିଛି। ଭିଡିଓରେ, କ୍ଷେପଣାସ୍ତ୍ର ଆକ୍ରମଣ ପରେ ଆକାଶରେ ଧୂଆଁ ଏବଂ ଧୂଳି ଉଡ଼ୁଥିବାର ଦେଖାଯାଉଛି। ରାସ୍ତାରେ ଚାଲୁଥିବା ଏକ ଗାଡ଼ିର ଡ୍ୟାସବୋର୍ଡ କ୍ୟାମେରାରେ ଏହି ଭିଡିଓ ରେକର୍ଡ ହୋଇଥିବା କୁହାଯାଉଛି । ଭିଡିଓରେ ଦେଖାଯାଉଛି ଯେ ଗାଡ଼ିର ଟିକିଏ ଦୂରରେ କ୍ଷେପଣାସ୍ତ୍ର ମାଡ଼ ହୋଇଥିଲା। ଇରାନ ଦ୍ୱାରା ନିକ୍ଷେପ କରାଯାଇଥିବା କ୍ଷେପଣାସ୍ତ୍ର ଯୋଗୁଁ ପ୍ରଚଣ୍ଡ ବିସ୍ଫୋରଣ ହୋଇଥିଲା । ଏହି ବିସ୍ଫୋରଣରେ ସହରରେ କିଛି କ୍ଷୟକ୍ଷତି କରିଥିବା ସୂଚନା ମିଳିଛି । 

ସେପଟେ ଇସ୍ରାଏଲ ବି ଇରାନ ଉପରେ ଆକ୍ରମଣ ଜାରି ରଖିଛି । ଇସ୍ରାଏଲ ତେହେରାନର ଏଭିନ୍ ଜେଲ୍ ସମେତ ଇରାନର ସରକାରୀ ପ୍ରତିଷ୍ଠାନ ଉପରେ ଆକ୍ରମଣ କରିଛି। ଇସ୍ରାଏଲ ଇରାନର ଅର୍ଦ୍ଧସାମରିକ ରିଭଲ୍ୟୁସନରୀ ଗାର୍ଡର ସୁରକ୍ଷା ମୁଖ୍ୟାଳୟ, ସହରର ପାଲେଷ୍ଟାଇନ୍ ସ୍କୋୟାର ଏବଂ ଅର୍ଦ୍ଧସାମରିକ ବାସିଜ୍ ଭଲ୍ୟୁଣ୍ଟେୟାର କର୍ପସ କୋଠାକୁ ମଧ୍ୟ ଟାର୍ଗେଟ କରିଛି।