ଏନପିଟିରୁ ବାହାରି ପରମାଣୁ ଅସ୍ତ୍ର ତିଆରି କରିବ ଇରାନ

ତେହେରାନ : ମଧ୍ୟପ୍ରାଚ୍ୟରେ ଇରାନ ଏବଂ ଇସ୍ରାଏଲ ମଧ୍ୟରେ ଗତ କିଛି ଦିନ ଧରି ଚାଲିଥିବା ଉତ୍ତେଜନା ଚରମରେ ପହଞ୍ଚିଛି। ଏସବୁ ମଧ୍ୟରେ ଏନପିଟିରୁ ବାହାରିବାକୁ ଇରାନ ଘୋଷଣା କରିଛି । ଏହା ଫଳରେ ପରମାଣୁ ଅସ୍ତ୍ର ତିଆରି ଦିଗରେ ଇରାନ ନିର୍ବିଘ୍ନରେ ଆଗେଇପାରିବ । 

 ସୋମବାର (ଜୁନ୍ ୧୬, ୨୦୨୫) ଇରାନର ବୈଦେଶିକ ମନ୍ତ୍ରଣାଳୟ କହିଛି ଯେ ଇରାନର ସଂସଦ ପରମାଣୁ ଅପ୍ରସାର ଚୁକ୍ତି (ଏନପିଟି) ରୁ ବାହାରିବା ପାଇଁ ଏକ ବିଲ୍ ପ୍ରସ୍ତୁତ କରୁଛି। ତଥାପି, ଇରାନର ବୈଦେଶିକ ମନ୍ତ୍ରଣାଳୟର ମୁଖପାତ୍ର ଇସମାଇଲ୍ ବାଘାଇ କହିଛନ୍ତି ଯେ ଆମେ ପରମାଣୁ ଅସ୍ତ୍ର ତିଆରି କରିବା ସପକ୍ଷରେ ନାହୁଁ।

ଗଣମାଧ୍ୟମ  ରିପୋର୍ଟ ଅନୁଯାୟୀ, ଏନପିଟିରୁ ବାହାରିବା ସମ୍ପର୍କରେ ଇରାନ ସଂସଦ ଦ୍ୱାରା ଏପର୍ଯ୍ୟନ୍ତ କୌଣସି ନିଷ୍ପତ୍ତି ନିଆଯାଇନାହିଁ । ତେବେ ଜଣେ ସାଂସଦ କହିଛନ୍ତି ଯେ ପ୍ରସ୍ତାବ ଆଇନଗତ ପ୍ରକ୍ରିୟାର ପ୍ରାରମ୍ଭିକ ପର୍ଯ୍ୟାୟରେ ଅଛି।

ଗତ ସପ୍ତାହରେ, ଇରାନ କହିଥିଲା ଯେ ତେହେରାନ ପରମାଣୁ ବୋମା ତିଆରି କରିବାକୁ ଯାଉଛି। ଇରାନ ସର୍ବଦା କହିଛି ଯେ ଏହାର ପରମାଣୁ କାର୍ଯ୍ୟକ୍ରମ ଶାନ୍ତିପୂର୍ଣ୍ଣ। ଅନ୍ତର୍ଜାତୀୟ ପରମାଣୁ ଶକ୍ତି ଏଜେନ୍ସି (ଆଇଏଇଏ) ଗତ ସପ୍ତାହରେ ଘୋଷଣା କରିଥିଲା ଯେ ତେହେରାନ ଏହାର ଏନପିଟି ଦାୟିତ୍ୱ ଉଲ୍ଲଂଘନ କରୁଛି।