ତେହେରାନ : ଇରାନର ପରମାଣୁ ଶକ୍ତି ସଂସ୍ଥା (ଏଆଇଓଆଇ) ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦାବିକୁ ପ୍ରତ୍ୟାଖ୍ୟାନ କରିଛି ଯେ ଇରାନ କେବେବି ପରମାଣୁ ଅସ୍ତ୍ର ତିଆରି କରିପାରିବ ନାହିଁ। ଏଇଓଆଇ କହିଛି ଯେ ଇରାନର ପରମାଣୁ କାର୍ଯ୍ୟକ୍ରମ କୌଣସି ବାଧା ବିନା ପୁଣି ଆରମ୍ଭ ହେବ ଏବଂ ଆମେ ୟୁରାନିୟମ ସମୃଦ୍ଧି ପୁନଃ ଆରମ୍ଭ କରିବାକୁ ପ୍ରସ୍ତୁତ। ଆମର କାର୍ଯ୍ୟକ୍ରମ ବନ୍ଦ ହେବ ନାହିଁ। ଆଜି ଟ୍ରମ୍ପ କହିଥିଲେ ଯେ ଇରାନ ଆଉ କେବେ ମଧ୍ୟ ପରମାଣୁ କାର୍ଯ୍ୟକ୍ରମ ଆରମ୍ଭ କରିପାରିବ ନାହିଁ । 

Advertisment

ସେପଟେ ଇସ୍ରାଏଲ ସହିତ ଯୁଦ୍ଧବିରତି ମଧ୍ୟରେ ଇରାନର ରାଷ୍ଟ୍ରପତି ପେଜେଶକିୟାନ ଏକ ବଡ଼ ବୟାନ ଦେଇଛନ୍ତି। ସେ କହିଛନ୍ତି ଯେ ଇରାନ ଯୁଦ୍ଧବିରତି ଭଙ୍ଗ କରିବ ନାହିଁ, କିନ୍ତୁ ଯଦି ଇସ୍ରାଏଲ ଯୁଦ୍ଧବିରତି ଭଙ୍ଗ କରେ, ତେବେ ଏହାର ଉଚିତ ଜବାବ ଦିଆଯିବ।

ଏହି ସମୟରେ, ଅନ୍ତର୍ଜାତୀୟ ପରମାଣୁ ଶକ୍ତି ଏଜେନ୍ସି (ଆଇଏଇଏ )ମୁଖ୍ୟ ରାଫେଲ ଗ୍ରୋସି କହିଛନ୍ତି, ଇରାନକୁ ଆଇଏଇଏ ସହିତ ସହଯୋଗ ଆରମ୍ଭ କରିବାକୁ ପଡିବ। ଇରାନର ପରମାଣୁ କାର୍ଯ୍ୟକଳାପ ଉପରେ ବିବାଦର ସମାଧାନ ପାଇଁ ଏକ ଚୁକ୍ତି ହେଉଛି ଚାବିକାଠି। ଆମେ ଇରାନର ବୈଦେଶିକ ମନ୍ତ୍ରୀଙ୍କୁ ଏକ ପ୍ରସ୍ତାବ ଦେଇଛୁ, ଯାହା ଦ୍ଵାରା ଆମେ ଏକାଠି କାମ କରିପାରିବା। ଆଇଏଇଏ ନିରୀକ୍ଷକମାନେ ସଂଘର୍ଷ ସମୟରେ ଇରାନରେ ଅଛନ୍ତି ଏବଂ ଯଥାଶୀଘ୍ର କାମ ଆରମ୍ଭ କରିବାକୁ ପ୍ରସ୍ତୁତ ଅଛନ୍ତି। ଏହି ଆକ୍ରମଣ ସମୟରେ, ଆମେ ଇରାନର ଅନେକ ପରମାଣୁ ସ୍ଥାନରେ ବ୍ୟାପକ କ୍ଷତି ଦେଖିଛୁ। ଯେଉଁ ସ୍ଥାନରେ ୟୁରାନିୟମ ପ୍ରକ୍ରିୟାକରଣ କରାଯାଇଥିଲା ସେହି ସ୍ଥାନରେ ମଧ୍ୟ ଆକ୍ରମଣ ହୋଇଛି। ଆମର ମୂଲ୍ୟାଙ୍କନ ହେଉଛି ଯେ କିଛି ପରମାଣୁ ସ୍ଥାନରେ ବିକିରଣ ହୋଇଛି। କିନ୍ତୁ ଏହା କେତେ ହୋଇଛି ସେ ବିଷୟରେ ଆମେ ଏପର୍ଯ୍ୟନ୍ତ ଏକ ରିପୋର୍ଟ ପାଇନାହୁଁ। ଇରାନକୁ ଆମ ସହିତ କାମ କରିବାକୁ ପଡିବ, ନଚେତ୍ ଫଳାଫଳ ବିଶ୍ୱ ପାଇଁ ଭଲ ହେବ ନାହିଁ।