ନିର୍ବାଚନ ଯୁଦ୍ଧରେ ଆମ କଥା ଉଠାଅ ନାହିଁ: ଇସ୍ଲାମାବାଦ
ନୂଆଦିଲ୍ଲୀ: ଅଭ୍ୟନ୍ତରିଣ ନିର୍ବାଚନୀ ଲଢ଼େଇରେ ଆମ କଥା ଉଠାଅ ନାହିଁ। ଗୁଜୁରାଟ ନିର୍ବାଚନରେ ବିଜେପିକୁ ହରାଇବାକୁ କଂଗ୍ରେସ ପାକିସ୍ତାନ ସହ ମିଶି ଷଡ଼ଯନ୍ତ୍ର କରୁଛି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆକ୍ଷେପ କରିବାର ଦିନକ ପରେ ଇସ୍ଲାମାବାଦ ଏ କଥା କହିଛି।
Sambad is now on WhatsApp
Join and get latest news updates delivered to you via WhatsApp
କଂଗ୍ରେସ ଏବଂ ପାକିସ୍ତାନୀ ଅଧିକାରୀଙ୍କ ମଧ୍ୟରେ ହୋଇଥିବା ଗୋପନ ତିନି ଘଣ୍ଟିଆ ବୈଠକ ଏକ କଳ୍ପିତ ଷଡ଼ଯନ୍ତ୍ର। ଏହା ଭିତ୍ତିହୀନ ଏବଂ ଦାୟିତ୍ୱହୀନ ବୋଲି ଇସ୍ଲାମାବାଦ କହିଛି। ଗୋପନ ବୈଠକ କଥା ପ୍ରଧାନମନ୍ତ୍ରୀ ମୋଦି ଅଭିଯୋଗ କରିଥିଲେ।
India should stop dragging Pakistan into its electoral debate and win victories on own strength rather than fabricated conspiracies, which are utterly baseless and irresponsible.
— Dr Mohammad Faisal (@ForeignOfficePk) December 11, 2017
କୌଣସି ପ୍ରମାଣ ନ ଥାଇ ଗତକାଲି ମୋଦି ଦାବି କରିଥିଲେ ଯେ ନିକଟ ଅତୀତରେ କଂଗ୍ରେସ ନେତା ମଣିଶଙ୍କର ଆୟରଙ୍କ ଘରେ ଏକ ବୈଠକ ବସିଥିଲା। ଏଥିରେ ପାକିସ୍ତାନର ହାଇକମିସନର୍, ପାକିସ୍ତାନର ବୈଦେଶିକ ମନ୍ତ୍ରୀ, ପୂର୍ବତନ ଭାରତୀୟ ପ୍ରଧାନମନ୍ତ୍ରୀ ମନମୋହନ ସିଂହ ଏବଂ ପୂର୍ବତନ ଉପରାଷ୍ଟ୍ରପତି ହମିଦ ଅନସାରି ଯୋଗ ଦେଇଥିଲେ।