ନୂଆଦିଲ୍ଲୀ : ବିଶ୍ବର ସବୁଠାରୁ ଧନୀ ବ୍ୟକ୍ତିଙ୍କ ମଧ୍ୟରେ ଅନ୍ୟତମ ତଥା ମାଇକ୍ରୋସଫ୍ଟର ପ୍ରତିଷ୍ଠାତା ବିଲ ଗେଟ୍ସ କରୋନା ସଂକ୍ରମିତ ହୋଇଛନ୍ତି । ତେବେ ତାଙ୍କ ଶରୀରରେ କରୋନାର ମୃଦୁ ଲକ୍ଷଣ ଥିବା ସେ ଜଣାଇଛନ୍ତି । ଆଶ୍ଚର୍ଯ୍ୟର କଥା ହେଉଛି ସେ କରୋନାର ଦୁଇଟି ଡୋଜ ସହିତ ବୁଷ୍ଟର ଡୋଜ ମଧ୍ୟ ନେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଟୁଇଟ କରି ସେ କରୋନା ସଂକ୍ରମିତ ଥିବା ଜଣାଇବା ସହ ଲେଖିଛନ୍ତି ଯେ ସେ ସୁସ୍ଥ ହେବା ପର୍ଯ୍ୟନ୍ତ ଏକାନ୍ତବାସରେ ରହିବେ । ଏହା ସହିତ ସେ ଡାକ୍ତରଙ୍କ ପରାମର୍ଶ ନେଉଛନ୍ତି ବୋଲି ଜଣାଇଛନ୍ତି । ତେବେ ସେ କରୋନା ଟିକା ନେଇଥିବାରୁ ଭାଗ୍ୟବାନ ବୋଲି ମଧ୍ୟ ଲେଖିଛନ୍ତି ।
ବିଲ ଗେଟ୍ସଙ୍କ ଦ୍ବାରା ପ୍ରତିଷ୍ଠିତ ବିଲ ଏଣ୍ଡ ମିଲିଣ୍ଡା ଗେଟ୍ସ ଫାଉଣ୍ଡେସନ ପକ୍ଷରୁ ବିଶ୍ବରୁ କରୋନା ମହାମାରୀ ବିଲୋପ ଦିଗରେ ଓ ଆଗକୁ ଯେପରି ଏପରି ମହାମାରୀ ନ ଆସେ, ସେ ଦିଗରେ କାମ କରୁଛି । ଗରିବ ଦେଶମାନଙ୍କୁ କରୋନା ଟିକା, ଓଷଧ , ମେଡିକାଲ ଉପକରଣ ଯୋଗାଇବାରେ ଏହି ଫାଉଣ୍ଡେସନ କାମ କରୁଛି । ଗତ ବର୍ଷ ଅକ୍ଟୋବର ମାସରେ ଫାଉଣ୍ଡେସନ ଘୋଷଣା କରିଥିଲା ଯେ ଗରିବ ଦେଶମାନଙ୍କୁ କରୋନା ଔଷଧ ଯୋଗାଣ ପାଇଁ ୧୨୦ ନିୟୁତ ବ୍ୟୟ କରିବ ।