ଭାରତୀୟ ହ୍ଵାଟ୍ସଆପ ବ୍ୟବହାରକାରୀଙ୍କ ଗୁଇନ୍ଦାଗିରି କରୁଛି ଇସ୍ରାଏଲୀ ସ୍ପାଏୱେର, ଜବାବ ତଲବ କଲା ସୂଚନା ପ୍ରଯୁକ୍ତି ମନ୍ତ୍ରାଳୟ
ନୂଆଦିଲ୍ଲୀ: ଭାରତର ସାମ୍ବାଦିକ ଓ ସାମାଜିକ କର୍ମୀଙ୍କ ଉପରେ ନଜର ରଖିଛି ଇସ୍ରାଏଲର ଏକ ସ୍ପାଏୱେର କମ୍ପାନୀ | କିଛି ଏଭଳି ସଙ୍ଗୀନ ତଥ୍ୟ ଏବେ ସାମ୍ନାକୁ ଆସିଛି | ଏ ନେଇ ହ୍ଵାଟ୍ସଆପ ପକ୍ଷରୁ ସୂଚନା ଦିଆଯାଇଛି | ହ୍ଵାଟ୍ସଆପ ପକ୍ଷରୁ କୁହାଯାଇଛି ଯେ ଭାରତୀୟ ସାମ୍ବାଦିକ ଓ ସାମାଜିକ କର୍ମୀଙ୍କ ଉପରେ ଗୁଇନ୍ଦାଗିରି କରୁଥିବା କମ୍ପାନୀ ପକ୍ଷରୁ ଏ ନେଇ ସ୍ପଷ୍ଟ କରାଯାଇଥିଲେ ମଧ୍ୟ କେତେଜଣଙ୍କ କ୍ଷେତ୍ରରେ ଏହା କରାଯାଇଛି ତାହା ନେଇ ସ୍ପଷ୍ଟ ଭାବେ କୁହାଯାଇନାହିଁ |
Sambad is now on WhatsApp
Join and get latest news updates delivered to you via WhatsApp
ଇସ୍ରାଏଲର ଏକ କମ୍ପାନୀ ଦ୍ୱାରା ପ୍ରସ୍ତୁତ କରାଯାଇଥିବା ପେଗସସ ନାମକ ସ୍ପାଏୱେର କୌଣସି ସାଧାରଣ ଲୋକ ବ୍ୟବହାର କରନ୍ତି ନାହିଁ | ବଡ ପ୍ରଶ୍ନ ଏବେ ଉଠିଛି ଯେ ଏହାକୁ କିଏ ବ୍ୟବହାର କରିଛି | ଏହି ପେଗସସ ନାମକ ସ୍ପାଏୱେର ଗୁଇନ୍ଦା କାର୍ଯ୍ୟ ପାଇଁ ବ୍ୟବହାର ହେଉଥିବାବେଳେ ଏହାର ବ୍ୟବହାର ପାଇଁ କିଏ ସବୁଜ ସଂକେତ ଦେଇଛି |
ଏଠାରେ ସୂଚନା ଥାଉ କି ହ୍ଵାଟ୍ସଆପ ପକ୍ଷରୁ ଆମେରିକା ଫେଡେରେଲ କୋର୍ଟରେ ଇସ୍ରାଏଲ ଏଜେନ୍ସି ଉପରେ ମକଦ୍ଦମା କରାଯାଇଥିଲା | ହ୍ଵାଟ୍ସଆପ ଅଭିଯୋଗ କରିଛି ଯେ ପେଗସସ ନାମକ ସ୍ପାଏୱେର ମାଧ୍ୟମରେ ଇସ୍ରାଏଲ ଏଜେନ୍ସି ୧୪୦୦ ଜଣ ହ୍ଵାଟ୍ସଆପ ବ୍ୟବହାରକାରୀଙ୍କ ବାବଦରେ ତଥ୍ୟ ସଂଗ୍ରହ କରିଛି | ଏମାନଙ୍କ ମଧ୍ୟରୁ କେତେଜଣ ଭାରତୀୟ ତାହା ନେଇ ସ୍ପଷ୍ଟ ହୋଇନାହିଁ | ତେବେ ଏହି ଘଟଣା ଜଣାପଡିବା ପରେ ଭାରତ ସରକାରଙ୍କର ସୂଚନା ଓ ପ୍ରସାରଣ ମନ୍ତ୍ରାଳୟ ପକ୍ଷରୁ ହ୍ଵାଟ୍ସଆପକୁ ନଭେମ୍ବର ୪ ସୁଦ୍ଧା ଜବାବ ଦେବାକୁ ନିର୍ଦ୍ଦେଶ ଦିଆଯାଇଛି |