ଇରାନର ଆଣବିକ କେନ୍ଦ୍ର ଉପରେ ଆକ୍ରମଣ କରିବ ଇସ୍ରାଏଲ !
ତେଲ ଅଭିଭ୍ : ଇରାନ ସହ ଏକ ଯୁଦ୍ଧ ପାଇଁ ପ୍ରସ୍ତୁତ ହେଉଛି ଇସ୍ରାଏଲ । ଇରାନ ଯଦି ଅଣୁ ଅସ୍ତ୍ର ହାସଲ କରିବାକୁ ଉଦ୍ୟମ କରେ ତେବେ ସାମରିକ ଶକ୍ତି ପ୍ରୟୋଗ କରି ତାକୁ ସେଥିରୁ ବିରତ କରାଯିବ ବୋଲି ଇସ୍ରାଏଲ ସେନାମୁଖ୍ୟ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଇସ୍ରାଏଲ ସେନାମୁଖ୍ୟ ଲେପ୍ଟନାଣ୍ଟ ଜେନେରାଲ ଅଭିଭ୍ କୋହାଭି କହିଛନ୍ତି ଯେ ଇରାନ ସହିତ ଏକ ସାମରିକ ସଂଘର୍ଷ ପାଇଁ ଯୋଜନା ଓ ରଣ କୌଶଳ ପ୍ରସ୍ତୁତ କରାଯାଉଛି । ଏପରିକି ଆଣବିକ ବିପଦର ମୁକାବିଲା ପାଇଁ ବି ପ୍ରସ୍ତୁତି କରାଯାଉଛି । ଗତ ମାସରେ ଇସ୍ରାଏଲର ବିଦେଶ ମନ୍ତ୍ରୀ ୟେର ଲାପିଡ କହିଥିଲେ ଯେ ଯଦି ଏକ ଆତଙ୍କି ରାଷ୍ଟ୍ର ଆଣବିକ ଅସ୍ତ୍ରଶସ୍ତ୍ର ତିଆରି କରେ ଆମର କର୍ତ୍ତବ ହେଉଛି ସାମରିକ ଶକ୍ତି ପ୍ରୟୋଗ କରି ତାହାକୁ ସେଥିରୁ ବିରତ କରିବା ।
ସୂଚନାଯୋଗ୍ୟ ଯେ ଇରାନକୁ ଇସ୍ରାଏଲ ଏକ ପରମ ଶତ୍ରୁ ରାଷ୍ଟ୍ର ଭାବେ ଦେଖେ । ଇରାନର ପରମାଣୁ କାର୍ଯ୍ୟକ୍ରମକୁ ଇସ୍ରାଏଲ ନିଜ ପାଇଁ ସବୁଠାରୁ ବଡ଼ ବିପଦ ଭାବେ ବିଚାର କରେ । ପୂର୍ବରୁ ମଧ୍ୟ ଇସ୍ରାଏଲର ଗୁଇନ୍ଦା ସଂସ୍ଥା ଇରାନର ପରମାଣୁ ବୈଜ୍ଞାନିକମାନଙ୍କୁ ହତ୍ୟା କରିଛି । ଏହା ସହିତ କ୍ଷେପଣାସ୍ତ୍ର ଆକ୍ରମଣ କରି ଇରାନର ପରମାଣୁ କେନ୍ଦ୍ର ନଷ୍ଟ କରିଛି । ଏହା ଫଳରେ ଇରାନର ଆଣବିକ କାର୍ଯ୍ୟକ୍ରମ ପଛେଇ ଯାଇଛି । ଆମେରିକା ଦ୍ବାରା ଲାଗୁ କଟକଣା ମଧ୍ୟ ଇରାନର ଆଣବିକ କାର୍ଯ୍ୟକ୍ରମକୁ ପଛେଇ ନେଇଛି ।