ଶୁକ୍ର ଅଭିଯାନ ଆରମ୍ଭ କରିବ ଇସ୍ରୋ

ନୂଆଦିଲ୍ଲୀ: ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ) ଆଦିତ୍ୟ ଏଲ୍-ଓ୍ଵାନ୍କୁ ମହାକାଶରେ ସୂର୍ଯ୍ୟଙ୍କ ସମ୍ପର୍କିତ ସୂଚନା ପାଇଁ ପଠାଇଛି। ଏହି ମିସନ ପରେ ଇସ୍ରୋ ଏବେ ସବୁଠାରୁ ଉତ୍ତପ୍ତ ଗ୍ରହ ଶୁକ୍ର ଗ୍ରହ ପାଇଁ ଶୁକ୍ର ଅର୍ବିଟର ମିଶନ (ଭିଓଏମ୍) ସହ ଶୁକ୍ର ଗ୍ରହକୁ ଯିବାକୁ ପ୍ରସ୍ତୁତି ଚଳାଇଛି। ଭାରତୀୟ ମହାକାଶ ଏଜେନ୍ସି ଘୋଷଣା କରିଛି ଯେ ପୃଥିବୀରୁ ମହାକାଶଯାନର ରହସ୍ୟମୟ ଯାତ୍ରା ପାଇଁ ମୋଟ ୧୧୨ ଦିନ ଲାଗିବ। ୨୦୨୮ ମାର୍ଚ୍ଚ ୨୯ ତାରିଖରେ ଶୁକ୍ରାୟନ-୧ ନାମକ ଏହି ମହାକାଶଯାନ ଉତକ୍ଷେପଣ ହେବାର କାର୍ଯ୍ୟକ୍ରମ ରହିଛି। ଶୁକ୍ର ଗ୍ରହରେ ଏହା ଭାରତର ପ୍ରଥମ ପ୍ରୟାସ ହେବ।

ଇସ୍ରୋର ଶକ୍ତିଶାଳୀ ଏଲଭିଏମ-୩ (ଲଞ୍ଚ ଭେଇକିଲ ମାର୍କ ୩) ରକେଟକୁ ଶୁକ୍ର ଗ୍ରହକୁ ୧୧୨ ଦିନିଆ ଯାତ୍ରାରେ ଭେନସ୍ ଅର୍ବିଟର ମିଶନ ମହାକାଶଯାନରେ ନେବା ପାଇଁ ବ୍ୟବହାର କରାଯିବ। ମହାକାଶରେ ଗ୍ରହ ଗବେଷଣାକ୍ଷେତ୍ରରେ ଭାରତର ବଢ଼ୁଥିବା ସାମର୍ଥ୍ୟକୁ ଦର୍ଶାଇ ଅର୍ବିଟର ୨୦୨୮ ଜୁଲାଇ ୧୯ ତାରିଖରେ ଗନ୍ତବ୍ୟସ୍ଥଳରେ ପହଞ୍ଚିବ ବୋଲି ଆଶା କରାଯାଉଛି।