କୁମ୍ଭ ମେଳା : ଆସନ୍ତା କାଲି ବ୍ରାହ୍ମ ମୂହୂର୍ତ୍ତରେ ଆରମ୍ଭ ହେବ ଶାହୀ ସ୍ନାନ
ପ୍ରୟାଗରାଜ : ଆରମ୍ଭ ହୋଇଯାଇଛି ବିଶ୍ୱର ସବୁଠାରୁ ବଡ଼ ଧାର୍ମିକ ମହୋତ୍ସବ କୁମ୍ଭ ମେଳା । ଆସନ୍ତା କାଲି ଅର୍ଥାତ ୧୫ ତାରିଖରେ ଅନୁଷ୍ଠିତ ହେବ ପ୍ରଥମ ଶାହୀ ସ୍ନାନ । ମଙ୍ଗଳବାରଦିନ ପ୍ରାତଃ ୨ଟା ୧୨ ମନିଟରୁ ହିଁ ଶାହୀ ସ୍ନାନ ଆରମ୍ଭ ହୋଇଯିବ । ପ୍ରଥମେ ବିଭିନ୍ନ ଆଖଡ଼ାର ନାଗା ସାଧୁ ମାନେ ନିଜ ନିଜର ଅସ୍ତ୍ରଶସ୍ତ୍ର ସହ ଏହି ପବିତ୍ର ବୁଡ଼ ପକାଇବା ପରେ ସାଧାରଣ ଶ୍ରଦ୍ଧାଳୁମାନେ ସ୍ନାନ କରିବେ ।
Sambad is now on WhatsApp
Join and get latest news updates delivered to you via WhatsApp
ଏଥର କୁମ୍ଭରେ ପ୍ରାୟ ୧୩ ରୁ ୧୫ କୋଟି ଶ୍ରଦ୍ଧାଳୁ ଏଥିରେ ଯୋଗ ଦେବାର କାର୍ଯ୍ୟକ୍ରମ ରହିଛି, ସେଥିମଧ୍ୟରୁ ପ୍ରାୟ ୧୦ ଲକ୍ଷ ବିଦେଶୀ ସାଧୁ, ପର୍ଯ୍ୟଟକ ଓ ଶ୍ରଦ୍ଧାଳୁ ଯୋଗ ଦେବାର ସମ୍ଭାବନା ରହିଛି । ୧୫ ତାରିଖ ବ୍ୟତୀତଏବର୍ଷ ୨୧ ଜାନୁୟାରୀ, ୪,୧୦ ଓ ୧୯ ଫେବ୍ରୁଆରୀ ଓ ୪ ମାର୍ଚ୍ଚରେ ପବିତ୍ର ବୁଡ ପଡିବ ।
ଭାରତର ୪ଟି ସ୍ଥାନରେ କୁମ୍ଭ ମେଳା ଅନୁଷ୍ଠିତ ହୁଏ । ସେଗୁଡ଼ିକ ହେଉଛି ପ୍ରୟାଗରାଜ, ହରିଦ୍ୱାର, ଉଜ୍ଜୟିନୀ ଓ ନାସିକ । ଏଗୁଡ଼ିକ ଯଥାକ୍ରମେ ଗଙ୍ଗା, ଗୋଦାବରୀ ଓ କ୍ଷୀପ୍ରା ନଦୀ କୂଳରେ ଅନୁଷ୍ଠିତ ହୁଏ । ପ୍ରତି ସ୍ଥାନରେ ୧୨ ବର୍ଷ ବ୍ୟବଧାନରେ କୁମ୍ଭମେଳା ହୁଏ ଓ ୬ ବର୍ଷ ବ୍ୟବଧାନରେ ଅର୍ଦ୍ଧକୁମ୍ଭ ହୁଏ । ପ୍ରୟାଗରାଜରେ ୨୦୧୩ରେ କୁମ୍ଭ ମେଳା ହୋଇଥିଲା, ଏଥର ଅର୍ଦ୍ଧକୁମ୍ଭ ହେଉଛି, ୨୦୨୫ରେ କୁମ୍ଭ ଅନୁଷ୍ଠିତ ହେବ ।