ମଧ୍ୟ ପ୍ରଦେଶର ମୁଖ୍ୟମନ୍ତ୍ରୀ କମଲନାଥଙ୍କ ଭଣଜା ରତୁଲୀ ପୁରୀଙ୍କ ନାମରେ ଥିବା ୨୫୪କୋଟି ଟଙ୍କାର ବେନାମୀ ସମ୍ପତ୍ତି ଜବତ କଲା ଆୟକର ବିଭାଗ
ନୂଆଦିଲ୍ଲୀ: ଅଗଷ୍ଟା ୱେଷ୍ଟଲାଣ୍ଡ ହେଲିକପ୍ଟର ଦୁର୍ନୀତି ମାମଲାରେ ଜଡ଼ିତ ମଧ୍ୟ ପ୍ରଦେଶର ମୁଖ୍ୟମନ୍ତ୍ରୀ କମଲନାଥଙ୍କ ଭଣଜା ରତୁଲ ପୁରୀଙ୍କ ନାମରେ ଥିବା ୨୫୪କୋଟି ଟଙ୍କାର ବେନାମୀ ସମ୍ପତ୍ତି ଆୟକର ବିଭାଗ ଜବତ କରିଥିବାର ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ପ୍ରାପ୍ତ ସୂଚନା ଅନୁଯାୟୀ, ଆୟକର ବିଭାଗ ରତୁଲ ପୁରୀଙ୍କ କମ୍ପାନୀ ସମୁହ ସହ ସମ୍ବନ୍ଧିତ ନନ କୁମୁଲେଟିଭ୍ କମ୍ପଲସରି କନଭର୍ଟେବୁଲ ସେୟାର୍ସ (ସିସିପିଏସ୍) ଅର୍ଥାତ୍ ଇକ୍ୱିଟି ସେୟାର୍ସକୁ ଅସ୍ଥାୟୀ ଭାବରେ ଅଟାଚ୍ କରିଛି । ଆପ୍ଟିମା ଇନଫ୍ରା ପ୍ରାଇଭେଟ ଲିମିଟେଡ ଦ୍ୱାରା ସିସିପିଏସ୍ ଏଫଡିଆଇ ନିବେଶ ରୂପରେ ପ୍ରାପ୍ତ କରାଯାଇଥିଲା । ରତୁଲ ପୁରୀ ଏଚଇପିସିଏଲ କମ୍ପାନୀ ଜରିଆରେ ୨୫୪ କୋଟି ଆୟ କରିଥିଲେ ।
ତେବେ ଏହି ମାମଲାରେ ଇଡି ତାଙ୍କୁ ଇଡି କାର୍ଯ୍ୟାଳୟ ଜେରା କରିବାକୁ ନେଇଥିବା ବେଳେ ରତୁଲ ପୁରୀ ଶୌଚ କରିବା ବାହାନା କରି ଇଡି କାର୍ଯ୍ୟାଳୟରୁ ଚମ୍ପଟ ମାରିଥିଲେ । ଅବଶ୍ୟପରେ ସେ ନ୍ୟାୟାଳୟରେ ହାଜର ହୋଇଥିଲେ। ନ୍ୟାୟାଳୟ ରତୁଲ ପୁରୀଙ୍କୁ ଗିରଫ ନ କରିବାଲାଗି ନିର୍ଦ୍ଦେଶ ଦେଇଥିଲେ।