ରେଳବାଇ ବୋର୍ଡର ନୂଆ ଆଦେଶ: ଅଗଷ୍ଟ ୧୨ ଯାଏଁ ଯାତ୍ରୀବାହୀ ଟ୍ରେନ୍ ଚଳାଚଳ ବାତିଲ
ନୂଆଦିଲ୍ଲୀ: ଦେଶରେ କରୋନା ଭାଇରସ୍ ସଂକ୍ରମଣ ପାଇଁ ଲାଗୁ ହୋଇଥିବା ଲକ୍ଡାଉନ୍ କାରଣରୁ ଟ୍ରେନ୍ ଚଳାଚଳ ପ୍ରଭାବିତ ହୋଇଛି। ଆରମ୍ଭରୁ କେବଳ ମାଲବାହୀ ଟ୍ରେନ୍ ଚାଲିଥିବା ବେଳେ ପରେ ମେ’ ମାସ ୧ ତାରିଖ ଠାରୁ ଶ୍ରମିକ ସ୍ୱତନ୍ତ୍ର ଟ୍ରେନ୍ ସେବା ଆରମ୍ଭ ହୋଇଥିଲା। କିଛି ଅନ୍ୟ ସ୍ୱତନ୍ତ୍ର ଟ୍ରେନ୍ ମଧ୍ୟ ରେଳଧାରଣାରେ ଗଡ଼ିଥିଲା। କିନ୍ତୁ ଏବେ ରେଳବାଇ ବୋର୍ଡ ନିଷ୍ପତ୍ତି ନେଇଛି ଯେ, ଆସନ୍ତା ଅଗଷ୍ଟ ୧୨ ଯାଏଁ ନିୟମିତ ଭାବେ ଚାଲୁଥିବା ସମସ୍ତ ମେଲ, ଏକ୍ସପ୍ରେସ, ଯାତ୍ରୀ ଓ ଇଣ୍ଟରସିଟି ସେବା ବନ୍ଦ ରହିବ। ଏଥି ସହିତ ରେଳବାଇ ବୋର୍ଡ ନିର୍ଦ୍ଧାରଣ କରିଛି ଯେ, ଜୁଲାଇ ୧ରୁ ଅଗଷ୍ଟ ୧୨ ଯାଏଁ ଯାତ୍ରା ପାଇଁ ବୁକ ହୋଇଥିବା ସମସ୍ତ ଟିକେଟ ବାତିଲ ରହିବ।
Sambad is now on WhatsApp
Join and get latest news updates delivered to you via WhatsApp
It has also been decided that all the ticket booked for the regular time-tabled trams for the journey date from 01.07.20 to 12.08.20 also stand cancelled: Railway Board https://t.co/t62D3GjOUP
— ANI (@ANI) June 25, 2020
ଭାରତୀୟ ରେଳବାଇ ନିୟମିତ ଟ୍ରେନ ପାଇଁ ଏପ୍ରିଲ ୧୪ ଅଥବା ଏହା ପୂର୍ବରୁ ବୁକ ହୋଇଥିବା ସମସ୍ତ ଟିକେଟ ବାତିଲ କରିବାକୁ ଘୋଷଣା କରିଛି। ଏଥି ସହିତ ଏହି ଟିକେଟର ପୂରା ଫେରସ୍ତ ଦେବାକୁ କହିଛି। ରେଳବାଇ ବୋର୍ଡ କହିଛି ଯେ, ରେଳ ମନ୍ତ୍ରାଳୟ ଏହା ନିର୍ଦ୍ଧାରଣ କରିଛି ଯେ, ନିୟମିତ ଟେନ ଲାଗି ୨୦୨୦ ଏପ୍ରିଲ ୧୪ ପର୍ଯ୍ୟନ୍ତ ତଥା ଏହା ପୂର୍ବରୁ ବୁକ ହୋଇଥିବା ଟ୍ରେନ ଟିକେଟ ବାତିଲ କରାଯାଇଛି। ଏହି ଟିକେଟର ପୂରା ରାଶି ଫେରସ୍ତ କରାଯିବ।