ରୋମ୍: ରବିବାର ଦିନ ଇଟାଲିରେ ୬୫୧ଜଣଙ୍କର କରୋନାଭାଇରସ୍ ସଂକ୍ରମଣଜନିତ ମୃତ୍ୟୁ ହେବା ପରେ ଦେଶର ସମୁଦାୟ ମୃତ୍ୟୁସଂଖ୍ୟା ୫, ୪୭୬ରେ ପହଞ୍ଚିଥିବା କଥା ରବିବାର ଦିନ ସରକାରୀ ଅଧିକାରୀମାନେ କହିଛନ୍ତି । ଗାଣିତିକ ହିସାବ ଅନୁସାରେ ମୃତ୍ୟୁସଂଖ୍ୟା ୧୩. ୫% ବୃଦ୍ଧି ହୋଇଥିଲେ ମଧ୍ୟ ଶନିବାରର ମୃତ୍ୟୁସଂଖ୍ୟା ଠାରୁ ରବିବାରର ମୃତ୍ୟୁସଂଖ୍ୟା କମ୍ । ଶନିବାର ଦିନ ଇଟାଲିରେ ୭୯୩ଜଣଙ୍କର ମୃତ୍ୟୁ ହୋଇଥିଲା ।
Sambad is now on WhatsApp
Join and get latest news updates delivered to you via WhatsApp
ଏହାଛଡ଼ା ଇଟାଲିରେ କରୋନାଭାଇରସ୍ ଆକ୍ରାନ୍ତଙ୍କ ସଂଖ୍ୟା ୫୩, ୫୭୮ରୁ ବୃଦ୍ଧି ପାଇ ୫୯, ୧୩୮ରେ ପହଞ୍ଚିଛି ଥିବା କଥା ସିଭିଲ୍ ପ୍ରୋଟେକସନ ଏଜେନସି କହିଛି । ରବିବାର ସୁଦ୍ଧା ଆକ୍ରାନ୍ତଙ୍କ ମଧ୍ୟରୁ ୭, ୦୨୪ ସମ୍ପୂର୍ଣ୍ଣ ସୁସ୍ଥ ହୋଇଛନ୍ତି ଏବଂ ୩୦୦୯ଜଣ ଇନଟେନସିଭ କେୟାର ୟୁନିଟରେ ରହିଛନ୍ତି ।
କରୋନାଭାଇରସରେ ସବୁଠୁ ଅଧିକ ପ୍ରଭାବିତ ହୋଇଥିବା ଲୋମ୍ବାର୍ଡିର ପରିସ୍ଥିତି ତଥାପି ଉଦବେଗଜନକ ରହିଛି । ରବିବାର ସୁଦ୍ଧାରେ ସେଠାରେ ୩, ୪୫୬ଜଣଙ୍କରମୃତ୍ୟୁ ଘଟିଥିବା ବେଳେ ଆହୁରି ୨୭, ୨୦୬ଜଣ କରୋନାଭାଇରସ୍ ଦ୍ୱାରା ଆକ୍ରାନ୍ତ ହୋଇଛନ୍ତି ।