୧୮ ହଜାର ଫୁଟ ଉଚ୍ଚରେ ବରଫ ଉପରେ ଯୋଗ କଲେ ଆଇଟିବିପି ଯବାନ, ଜମ୍ମୁରେ ସିଆରପିଏଫ ଯବାନଙ୍କ ଯୋଗ ଫଟୋ ଭାଇରାଲ
ନୂଆଦିଲ୍ଲୀ: ଆଜି ସାରା ବିଶ୍ୱ ପାଳନ କରୁଛି ଅନ୍ତର୍ଜାତୀୟ ଯୋଗ ଦିବସ । କରୋନା ସଂକଟ ଯୋଗୁଁ ଚଳିତ ବର୍ଷ ଅନ୍ତର୍ଜାତୀୟ ଯୋଗ ଦିବସ ଆୟୋଜନ ଭିନ୍ନ ଭାବେ କରାଯାଉଛି । ଆୟୁଷ ମନ୍ତ୍ରାଳୟ ଅନୁସାରେ ଇଲୋକ୍ଟ୍ରୋନିକ୍ସ ଓ ଡିଜିଟାଲ ପ୍ଲାଟଫର୍ମରେ ପାଳନ ହେଉଛି ବିଶ୍ୱ ଯୋଗ ଦିବସ । ଯୋଗ ଦିବସ ଅବସରରେ ପ୍ରଧାନମନ୍ତ୍ରୀଙ୍କ ସମେତ ଅନେକ ରାଜନେତା ଯୋଗ କରୁଥିବାର ଫଟୋ ସାମ୍ନାକୁ ଆସିଛି | ଏହା ସହ ଦେଶର ସୁରକ୍ଷା ପାଇଁ ମୁତୟନ ହୋଇଥିବା ସେନା ଯବାନମାନେ ମଧ୍ୟ ଯୋଗ କରିଥିବା ଦେଖାଯାଇଛି |
Sambad is now on WhatsApp
Join and get latest news updates delivered to you via WhatsApp
ହିମାଳୟର ଉଚ୍ଚ ପାହାଡ ଘାଟି ଉପରେ ଦେଶର ବୀର ଯବାନମାନେ ଯୋଗ କରିଥିବା ଦେଖାଯାଇଛି। ବିଶ୍ୱ ଯୋଗ ଦିବସ ଅବସରରେ ଲଦାଖର ଉଚ୍ଚ ପାହାଡ ଉପରେ ଏକାଠି ହୋଇ ଯୋଗ କରିଛନ୍ତି ଆଇଟିବିପି ଯବାନ। ଦେଶର ସୁରକ୍ଷା ସହ ନିଜକୁ ସୁସ୍ଥ ଓ ନିରୋଗ ରହିବାର ବାର୍ତା ପ୍ରଦାନ କରିଛି ଆଇଟିବିପି ଯବାନଙ୍କ ଯୋଗ । ସମୁଦ୍ର ପତ୍ତନରୁ ୧୮ ହଜାର ଫୁଟ ଉପରେ ଏହି ଯୋଗ କରାଯାଇଛି । ମାଇନସ୍ ୫ ଡିଗ୍ରୀ ତାପମାତ୍ରାରେ ଯବାନମାନେ ଯୋଗ କରିଛନ୍ତି ।
ସେହିଭଳି ବିଶ୍ୱ ଯୋଗ ଦିବସରେ ଜମ୍ମୁ-କଶ୍ମୀରରେ ଯୋଗ କରିଛନ୍ତି ସିଆରପିଏଫ୍ ଯବାନ। ଏକାଠି ସାମାଜିକ ଦୂରତା ରକ୍ଷା କରି ଯବାନମାନେ ଯୋଗ କରିଛନ୍ତି । ଯାହାର ଅନେକ ଫଟୋ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି |