ଅମରନାଥ ଯାତ୍ରାରେ ସାମିଲ ଭକ୍ତଙ୍କୁ ସମୁଦ୍ର ପତ୍ତନରୁ ୧୨ ହଜାର ଫୁଟ ଉପରେ ସୁରକ୍ଷା ଦେବାକୁ ‘ମାନବ ପ୍ରାଚୀର’ ଗଢ଼ିଲେ ଯବାନ
ଶ୍ରୀନଗର: ଜମ୍ମୁ-କଶ୍ମୀରରେ ଅବସ୍ଥିତ ପବିତ୍ର .ଶୈବପୀଠ ଅମରନାଥକୁ ଯାତ୍ରାରେ ଯାଉଥିବା ଶ୍ରଦ୍ଧାଳୁଙ୍କ ସୁରକ୍ଷା ପାଇଁ ବିଭିନ୍ନ ସ୍ଥାନରେ ମୁତୟନ ଅଛନ୍ତି ଆଇଟିବିପି ଯବାନ । ଅତ୍ୟନ୍ତ ପ୍ରତିକୂଳ ପରିସ୍ଥିତିରେ ଅମରନାଥ ଯାତ୍ରୀଙ୍କୁ ସୁରକ୍ଷା ପ୍ରଦାନ କରୁଛନ୍ତି ଯବାନ । ନିକଟରେ ଜାରି ହୋଇଥିବା ଏକ ଭିଡିଓରେ ଆଇଟିବିପି ଯବାନମାନେ ନିଜ ଜୀବନକୁ ବାଜି ଲଗାଇ ଅମରନାଥ ଯାତ୍ରୀଙ୍କୁ ସୁରକ୍ଷା ପ୍ରଦାନ କରୁଥିବା ଦେଖିବାକୁ ମିଳିଛି।
Sambad is now on WhatsApp
Join and get latest news updates delivered to you via WhatsApp
#WATCH Indo-Tibetan Border Police (ITBP) personnel help pilgrims cross a bridge in Baltal, Jammu & Kashmir. #AmarnathYatra pic.twitter.com/2QmFt3RahY
— ANI (@ANI) July 6, 2019
ସମୁଦ୍ର ପତ୍ତନରୁ ହଜାର ହଜାର ଫୁଟ ଉଚ୍ଚରେ ଜାମ୍ମୁ କାଶ୍ମୀରର ବାଲଟାଲ୍ ଅଂଚଳରେ ଅବସ୍ଥିତ ଅମରନାଥ । ଏଠାରେ ସୁଉଚ୍ଚ ପର୍ବତ ଆକାଶକୁ ଛୁଇଁଲା ଭଳି ରହିଛି । ସରୁ ଅଣଓସାରିଆ ପାଦଚଲା ରାସ୍ତାରେ ଯିବାକୁ ହୁଏ ସେଠାକୁ । ତେବେ ପାହାଡ ଉପରୁ ଖସୁଥିବା ଝରଣା ଜଳ ସହିତ ମଝିରେ ମଝିରେ ବଡ ବଡ ପଥର ଖଣ୍ଡ ବି ଆସିଥାଏ । ଏଥିରୁ ଅମରନାଥ ଯାତ୍ରୀଙ୍କୁ ରକ୍ଷା କରିବାକୁ ଆଇଟିବିପି ଯବାନ ତିଆରି କରିଛନ୍ତି ହ୍ୟୁମାନ୍ ୱାଲ୍ ବା ମାନବ ପ୍ରାଚୀର । ଅଣ-ଓସାରିଆ ବ୍ରିଜ ଉପରେ ଗୋଟିଏ ପଟକୁ ମୁହଁ କରି ପାଖାପାଖି ଠିଆ ହୋଇଛନ୍ତି ଯବାନ। ଆଉ ଯବାନଙ୍କ ପଛ ପଟରେ ସୁରକ୍ଷିତ ଭାବେ ବ୍ରିଜ ପାର ହେଉଛନ୍ତି ଶ୍ରଦ୍ଧାଳୁମାନେ ।
ଏହି ଅଂଚଳ ସମୁଦ୍ର ପତ୍ତନରୁ ୧୨ ହଜାର ଫୁଟ ଉପରେ ଅବସ୍ଥିତ। ଆଇଟିବିପି ଯବାନ ଅମରନାଥ ଯାତ୍ରୀଙ୍କୁ ଆବଶ୍ୟକ ସ୍ଥଳେ ଅମ୍ଳଜାନ ବି ଯୋଗାଇ ଦେଉଥିବା ଦେଖିବାକୁ ମିଳିଛି । ଜୁଲାଇ ୧ରୁ ଆରମ୍ଭ ହୋଇଥିବା ଅମରନାଥ ଯାତ୍ରାରେ ଏପର୍ଯ୍ୟନ୍ତ ପାଖାପାଖି ୯୦ହଜାରରୁ ଅଧିକ ଶ୍ରଦ୍ଧାଳୁ ବାବା ବର୍ଫାନୀଙ୍କ ଦର୍ଶନ କରିସାରିଲେଣି ।