ସ୍ୱାଧୀନତା ଦିବସ ପାଳିଲା ଆଇଟିବିପି ସେନା: ସମୁଦ୍ର ପତନରୁ ୧୪ ହଜାରରୁ ୧୭ ହଜାର ଫୁଟ ଉପରେ ଉଡ଼ିଲା ତ୍ରିରଙ୍ଗା
ନୂଆଦିଲ୍ଲୀ: ସମୁଦ୍ର ପତନରୁ ୧୪ ହଜାରରୁ ୧୭ ହଜାର ଫୁଟ ଉପରେ ଉଡିଲା ତ୍ରିରଙ୍ଗା । ଏପରି ଚିତ୍ର ଆସିଛି ଦେଶର ସୀମାନ୍ତ ଲଦାଖର ଉଚ୍ଚ ପାହାଡିଆ ଘାଟି ଉପରୁ । ଦେଶର ସୀମା ସୁରକ୍ଷାରେ ମୁତୟନ ଥିବା ଆଇଟିବିପି ଯବାନ ଉଚ୍ଚ ଘାଟି ଉପରେ ପତାକା ଉଡାଇ ପାଳନ କରିଛନ୍ତି ସ୍ୱାଧୀନତା ଦିବସ । ଏହି ଅବସରରେ ବନ୍ଦେ ମାତରମ୍ ଆଉ ଭାରତ ମାତା କୀ ଜୟ ଧ୍ୱନିରେ କମ୍ପିଛି ଲଦାଖ ଅଞ୍ଚଳ।
Sambad is now on WhatsApp
Join and get latest news updates delivered to you via WhatsApp
ସେହିପରି ଉତ୍ତରାଖଣ୍ଡ ସୀମାର ୧୩ ହଜାର ଫୁଟ ଉଚ୍ଚରେ ଜାତୀୟ ପତାକା ଉଡାଇଛନ୍ତି ଆଇଟିବିପି ଯବାନ । ୭୫ ତମ ସ୍ୱାଧୀନତା ଦିବସ ପାଳିଛନ୍ତି ଦେଶର ସୁରକ୍ଷାରେ ମୁତୟନ ଥିବା ଆଇଟିବିପି ଯବାନ । ଯବାନମାନେ ଜାତୀୟ ପତାକା ଉତ୍ତୋଳନ କରିବା ସହ ଜାତୀୟ ସଂଗୀତ ଗାନ କରି ସ୍ୱାଧୀନତା ଦିବସ ପାଳନ କରିଥିବା ଦେଖାଯାଇଛି।
#WATCH | Indo-Tibetan Border Police (ITBP) jawans celebrate #IndependenceDay2021 at the banks of Pangong Tso in Ladakh. pic.twitter.com/ug0ELnEfgN
— ANI (@ANI) August 15, 2021
ତେବେ ସ୍ୱାଧୀନତା ଦିବସ ଅବସରରେ ୨୦ଜଣ ଆଇଟିବିପି ଯବାନଙ୍କୁ ବୀରତା ପଦକ ଦେଇ ସମ୍ମାନିତ କରାଯାଇଛି | ଗତ ବର୍ଷ ମେ-ଜୁନ୍ ମାସରେ ପୂର୍ବ ଲଦାଖରେ ଚୀନ ସହ ହୋଇଥିବା ସଂଘର୍ଷରେ ସେମାନଙ୍କର ସାହସିକତା ପାଇଁ ସେମାନଙ୍କୁ ସମ୍ମାନିତ କରାଯାଇଥିବା ଜଣାପଡିଛି |