ମାଙ୍କଡ ଘଉଡାଇବା ପାଇଁ ଭାଲୁଙ୍କ ବେଶରେ ସଜେଇ ହେଲେ ଯବାନ, ଦେଖନ୍ତୁ ଭିଡିଓ
ସିମଲା: ମାଙ୍କଡ ଘଉଡାଇବା ପାଇଁ ଅଭିନବ ପଦକ୍ଷେପ | ଭାଲୁ ବେଶରେ ସଜ୍ଜିତ ହୋଇ ଯବାନମାନେ ମାଙ୍କଡ ଘଉଡାଇଛନ୍ତି | ଉତ୍ତରାଖଣ୍ଡର ମିଃର୍ଥୀଠାରେ ଏଭଳି ଘଟଣା ଦେଖିବାକୁ ମିଳିଛି | ମିଳିଥିବା ସୂଚନା ମୁତାବକ ଇଣ୍ଡୋ ତିବତିଆନ ବର୍ଡ଼ର ପୁଲିସର ଏକ କ୍ୟାମ୍ପ ଉତ୍ତରାଖଣ୍ଡର ମିଃର୍ଥୀଠାରେ ରହିଛି | କିଛି ଦିନ ହେଲା ମାଙ୍କଡମାନେ ଆସି ଏଠାରେ ଉତ୍ପାତ ମଚାଉଥିଲେ |
Sambad is now on WhatsApp
Join and get latest news updates delivered to you via WhatsApp
ବାରମ୍ବାର ଘଉଡାଇବା ପରେ ମଧ୍ୟ ମାଙ୍କଡମାନେ ପ୍ରତିଦିନ ସକାଳେ ଆସି ଭଙ୍ଗାରୁଜା କରୁଥିଲେ | ମାଙ୍କଡଙ୍କ ଏଭଳି ଉତ୍ପାତକୁ ବନ୍ଦ କରିବା ପାଇଁ ଦୁଇ ଜଣ ଆଇଟିବିପି ଯବାନ ଭାଲୁ ପୋଷାକ ପିନ୍ଧି ମାଙ୍କଡଙ୍କ ପିଛା କରିଥିଲେ | ଯବାନଙ୍କ ଭାଲୁ ବେଶ ଦେଖି ମାଙ୍କଡ ମାନେ ପଳାଇଯାଇଥିଲେ | ଏବେ ଏହାର ଏକ ମଜାଦାର ଭିଡିଓ ସାମ୍ନାକୁ ଆସିଛି |
#WATCH: 2 Indo-Tibetan Border Police personnel at ITBP Camp-Mirthi, Uttarakhand dressed in ‘bear’ costume to scare away monkeys on the premises. (Source-ITBP) pic.twitter.com/YeZXaXAgze
— ANI (@ANI) March 9, 2020
ଏଠାରେ ସୂଚନା ଥାଉ କି ଅହମ୍ମଦାବାଦ ବିମାନ ବନ୍ଦରରେ ମଧ୍ୟ ମାଙ୍କଡମାନେ ଉତ୍ପାତ କରୁଥିବାବେଳେ ଏଭଳି ଉପାୟ ଆପଣାଯାଇଥିଲା | ରନୱେରେ ମାଙ୍କଡମାନେ ବୁଲୁଥିବାବେଳେ ବିମାନବନ୍ଦରର ଜଣେ କର୍ମଚାରୀ ଭାଲୁ ପୋଷାକ ପିନ୍ଧି ମାଙ୍କଡ଼ଙ୍କ ପଛରେ ଧାଇଁଥିଲେ | ଏହାକୁ ଦେଖି ମାଙ୍କଡମାନେ ଆଉ ବିମାନବନ୍ଦର ରନୱେ ମାଡ଼ିନଥିଲେ |