କରୋନା କେବଳ ଏକ ରୋଗ ନୁହେଁ, ଏହା ଆମେରିକା ଉପରେ ଆକ୍ରମଣ : ଟ୍ରମ୍ପ
ଓ୍ୱାସିଂଟନ : କରୋନା ଭାଇରସକୁ ନେଇ ଆମେରିକା ଓ ଚୀନ ମଧ୍ୟରେ ବିବାଦ ବଢିବାରେ ଲାଗିଛି । ଚୀନ ବିରୁଦ୍ଧରେ ନିଜର ସ୍ୱରକୁ ଦିନକୁ ଦିନ ଅଧିକ ଶାଣିତ କରୁଛନ୍ତି ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ । ଆଜି ସେ କହିଛନ୍ତି ଯେ କରୋନା କେବଳ ଏକ ମହାମାରୀ ନୁହେଁ, ଏହା ଆମେରିକା ଉପରେ ଏକ ଆକ୍ରମଣ ସଦୃଶ । ସେ କହିଛନ୍ତି ଯେ ଚୀନ ଏହି ଭାଇରସ ସମ୍ପର୍କରେ ପୂର୍ବରୁ ହିଁ ଆମେରିକାକୁ ଚେତେଇ ଦେବାର ଥିଲା । କିନ୍ତୁ ଜାଣିଶୁଣି ଚୀନ ଏହା କରିନାହିଁ ।
Sambad is now on WhatsApp
Join and get latest news updates delivered to you via WhatsApp
କିଛିଦିନ ତଳେ ଟ୍ରମ୍ପ କହିଥିଲେ ଯେ କରୋନା ଭାଇରସ ଯଦି ଚୀନର ଏକ ପରୀକ୍ଷାଗାରରୁ ଆସିଥାଏ ତେବେ ତାହାର ପରିଣାମ ଭୋଗିବାକୁ ଚୀନ ପ୍ରସ୍ତୁତ ରହିବା ଆବଶ୍ୟକ । ପୂର୍ବରୁ ମଧ୍ୟ ସେ କରୋନା ଭାଇରସକୁ ବାରମ୍ବାର ଉହାନ ଭାଇରସ କହି ବିବାଦ ସୃଷ୍ଟି କରିଥିଲେ । ଚୀନ ହିଁ ଏହି ଭାଇରସ ପାଇଁ ଦାୟୀ ବୋଲି ସେ କହିଛନ୍ତି । କିନ୍ତୁ କରୋନା ଭାଇରସକୁ ଉହାନ ଭାଇରସ କହିବାକୁ ଚୀନ ଆପତ୍ତି ଉଠାଉଛି । ଉହାନ ଭାଇରସ କହିବା ଏକ ଭେଦଭାବ ବୋଲି ଚୀନ କହୁଛି ।
କରୋନ କୁ ନେଇ ଚୀନ ବିରୁଦ୍ଧରେ ଆମେରିକା ସମେତ ସମଗ୍ର ବିଶ୍ୱରେ ଜନ ଅସନ୍ତୋଷ ବଢିଚାଲିଛି । ଚୀନ ସହିତ ସଂପର୍କ ଛିନ୍ନ କରିବାକୁ ବିଭିନ୍ନ ଦେଶର ନେତାମାନେ ଆହ୍ୱାନ ଜଣାଇଛନ୍ତି ।