ଏହି ପୂର୍ବତନ ଆଇଏଏସ ଅଧିକାରୀଙ୍କୁ ରାଜ୍ୟସଭା ପ୍ରାର୍ଥୀ କଲା ତୃଣମୂଳ କଂଗ୍ରେସ
କୋଲକାତା: ତୃଣମୂଳ କଂଗ୍ରେସ ପୂର୍ବତନ ଆଇଏଏସ୍ ଅଧିକାରୀ ତଥା ପୂର୍ବତନ ପ୍ରସାର ଭାରତୀ ସିଇଓ ଜବାହର ସରକାରଙ୍କୁ ରାଜ୍ୟସଭାକୁ ପଠାଇବ । ଟିଏମସି ଆନୁଷ୍ଠାନିକ ଭାବେ ଟୁଇଟ୍ କରି ଏହା ଘୋଷଣା କରିଛି। ଜବାହର ସରକାର ପ୍ରସାର ଭାରତୀର ସିଇଓ ଭାବରେ କିଛି ଦିନ ପାଇଁ କାମ କରିଥିଲେ। ସେ ମୋଦୀ ସରକାରଙ୍କ ଜଣେ ସମାଲୋଚକ ଭାବରେ ଜଣାଶୁଣା। ଦୀନେଶ ତ୍ରିବେଦୀଙ୍କ ଇସ୍ତଫା ପରେ ଖାଲି ପଡିଥିବା ରାଜ୍ୟସଭା ଆସନ ପାଇଁ ଜବାହରଙ୍କୁ ପଠାଯିବ ।
Sambad is now on WhatsApp
Join and get latest news updates delivered to you via WhatsApp
ତୃଣମୂଳ କଂଗ୍ରେସ ପକ୍ଷରୁ ଟୁଇଟ କରି କୁହାଯାଇଛି ଯେ ” ଜବାହର ସରକାରଙ୍କୁ ସଂସଦର ଉପର ଗୃହକୁ ମନୋନୀତ କରି ଆମେ ଖୁସି। ସରକାର ପ୍ରାୟ ୪୨ ବର୍ଷ ଜନସେବାରେ ବିତାଇଥିଲେ ଏବଂ ପ୍ରସାର ଭାରତୀର ପୂର୍ବତନ ସିଇଓ ମଧ୍ୟ ଥିଲେ। ଜନସେବାରେ ତାଙ୍କର ଅମୂଲ୍ୟ ଅବଦାନ ସହ ଆମ ଦେଶ ପ୍ରତି ସେବା କରିବାକୁ ସାହାଯ୍ୟ କରିବ ‘|
ସୂଚନା ଥାଉ କି ପୂର୍ବତନ ତୃଣମୂଳ କଂଗ୍ରେସ (ଟିଏମସି) ସାଂସଦ ଦୀନେଶ ତ୍ରିବେଦୀ ଇସ୍ତଫା ଦେବା ପରେ ଖାଲି ଥିବା ରାଜ୍ୟସଭା ଆସନ ପାଇଁ ଉପନିର୍ବାଚନ ଆସନ୍ତା ଅଗଷ୍ଟ ୯ରେ ହେବାକୁ ଯାଉଛି | ଫେବ୍ରୁଆରିରେ ରାଜ୍ୟସଭାରୁ ଇସ୍ତଫା ଦେଇଥିବା ତ୍ରିବେଦୀ ଭାରତୀୟ ଜନତା ପାର୍ଟିରେ ଯୋଗ ଦେଇଥିଲେ। ତେବେ ପଶ୍ଚିମବଙ୍ଗ ବିଧାନସଭାରେ ଟିଏମସିର ପର୍ଯ୍ୟାପ୍ତ ସଦସ୍ୟ ଥିବାରୁ ଟିଏମସି ଏହି ଆସନ ଜିତିବାର ସମ୍ଭାବନା ରହିଛି |