କୋଟିକୋଟି ଟଙ୍କା ଠକେଇ କରିଥିବା ମାମଲାରେ ଛନ୍ଦି ହୋଇଥିବା ଜ୍ୟାକଲିନଙ୍କ ଏହି ଆବେଦନକୁ ମଞ୍ଜୁରୀ ଦେଇଛନ୍ତି କୋର୍ଟ

ନୂଆଦିଲ୍ଲୀ: କୋଟିକୋଟି ଟଙ୍କା ଠକେଇ କରିଥିବା ମାମଲାର ମାଷ୍ଟରମାଇଣ୍ଡ ଅଭିଯୁକ୍ତ ମୁକେଶ ଚନ୍ଦ୍ରଶେଖରଙ୍କ ସହିତ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଣ୍ଡିସ ଓ ନୋରା ଫତେହିଙ୍କ ନାମ ସାମ୍ନାକୁ ଆସୁଛି।  ୨୦୨୨  ନଭେମ୍ବର୧୫ ରେ ଜ୍ୟାକଲିନଙ୍କୁ ଏହି ମାମଲାରେ ଆଗୁଆ ଜାମିନ ପ୍ରଦାନ କରାଯାଇ ବିଦେଶ ଯିବାକୁ ହେଲେ କୋର୍ଟଙ୍କ ଅନୁମତି ଆଣିବାକୁ ପଡିବ ବୋଲି କୁହାଯାଇଥିଲା।

ତେବେ ଏହି ମାମଲାକୁ ନେଇ ପ୍ରତିଦିନ କିଛି ନା କିଛି ନୂଆ ଖବର ଶୁଣିବାକୁ ମିଳୁଛି। କିଛିଦିନ ହେବ ଜ୍ୟାକଲିନ କୋର୍ଟରେ ଏକ ଆବେଦନ କରିଥିଲେ। ଏହି ଆବେଦନକୁ କୋର୍ଟ ମଞ୍ଜୁରୀ ଦେଇଥିବା କୁହାଯାଉଛି।

ଏହି ଆବେଦନରେ ଜ୍ୟାକଲିନ ବିଦେଶ ଯିବାକୁ କୋର୍ଟଙ୍କୁ ଅନୁମତି ମାଗିଥିଲେ। ଉକ୍ତ ଆବେଦନ ଉପରେ ବିଚାର କରି ଦିଲ୍ଲୀର ପଟିଆଲା ହାଉସ କୋର୍ଟ ଜ୍ୟାକଲିନକୁ ବିଦେଶ ଯିବାକୁ ଅର୍ଥାତ ଦୁବାଇ ଯାତ୍ରା କରିବାକୁ କିଛି ସର୍ତ୍ତି ରଖି ଅନୁମତି ଦେଇ ଦେଇଛନ୍ତି। ଏଥିସହିତ ଜ୍ୟାକଲିନ ଏହି ଯାତ୍ରା ସମୟରେ ଯେକୌଣସି ସ୍ଥାନରେ ରହି ପାରିବେ । ଏହା ଅଭିନେତ୍ରୀଙ୍କ ପାଇଁ ଏକ ବଡ଼ ଖୁସି ଖବର ରହିଛି ବୋଲି  କୁହାଯାଇଛି। କାରଣ ଜ୍ୟାକଲିନ ଅନେକ ଦିନ ହେବ ବିଦେଶ ଯିବାରୁ କୋର୍ଟଙ୍କ ଅନୁମତିର ଅପେକ୍ଷା କରି ରହିଥିଲେ।

ଜ୍ୟାକଲିନ ଜାନୁଆରି ୨୭ ରୁ ଜାନୁୟାରି ୩୦ ମଧ୍ୟରେ ଦୁବାଇ ଯିବାକୁ ଆବେଦନ କରିଥିଲେ। ଏହି ଆବେଦନ ଏଥିପାଇଁ କରିଥିଲେ କାରଣ ତାଙ୍କୁ ପେପସିକୋ ଇଣ୍ଡିଆ ସମ୍ମିଳନୀରେ ଷ୍ଟାର ଅଭିନେତ୍ରୀ ଭାବରେ ଯୋଗ ଦେବା ପାଇଁ ନିମନ୍ତ୍ରଣ କରାଯାଇଛି।