ଝିଅର ପାଠପଢା ପାଇଁ ନିଜ ଚାକିରି ଛାଡ଼ିଥିଲେ ମା'; ଇଞ୍ଜିନିୟର ଚାକିରି ଛାଡି ଆଇଏଏସ୍ ହେଲେ ଜାଗୃତି

ନୂଆଦିଲ୍ଲୀ: ୨୦୨୨ ମସିହାରେ କେନ୍ଦ୍ରୀୟ ଲୋକସେବା ଆୟୋଗ ପରୀକ୍ଷାରେ ଦେଶରେ ଦ୍ବିତୀୟ ସ୍ଥାନ ଅଧିକାର କରିଥିଲେ ଜାଗୃତି ଅବସ୍ଥି। ସେ ବାଳିକା ପ୍ରାର୍ଥୀଙ୍କ ମଧ୍ୟରେ ଶୀର୍ଷରେ ରହିଥିଲେ। ଜାଗୃତି କହିଛନ୍ତି ଯେ ତାଙ୍କୁ ଆଇଏଏସ୍ କରିବା ପଛରେ ତାଙ୍କ ମା' ଓ ବାପାଙ୍କ ବଡ଼ ବଳିଦାନ ରହିଛି। ଦେଶର ୨୧୬ ଝିଅଙ୍କ ମଧ୍ୟରୁ ସେ ଜଣେ ଥିଲେ। ତାଙ୍କ ବାପା ଏସ୍ ସି ଅବସ୍ଥି ପେଶାରେ ଜଣେ ହୋମିଓପାଥି ଡାକ୍ତର। ତାଙ୍କ ମା' ମଧ୍ୟ ଏକ ସ୍କୁଲରେ ଅଧ୍ୟାପନା କରୁଥିଲେ।

ଜାଗୃତି କହିଛନ୍ତି ଯେ ତାଙ୍କ ପାଠପଢାରେ ସାହାଯ୍ୟ କରିବା ପାଇଁ ତାଙ୍କ ମା' ଚାକିରି ଛାଡିଥିଲେ। ଏହି କାରଣରୁ ସେ ତାଙ୍କ ମା'ଙ୍କୁ ତାଙ୍କ ସଫଳତାର ସବୁଠାରୁ ବଡ଼ ସାଥୀ ବୋଲି ସେ କହିଛନ୍ତି, ଯାହାଙ୍କ ବଳିଦାନ ଯୋଗୁଁ ତାଙ୍କର ସ୍ୱପ୍ନ ସାକାର ହୋଇପାରିଥିଲା। ଜାଗୃତି ଅବସ୍ଥି ୨୦୧୬ରେ ମୌଲାନା ଆଜାଦ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିରୁ ବିଟେକ୍ ରେ ସ୍ନାତକ ହାସଲ କରିଥିଲେ। ଏହାପରେ ସେ ଗେଟ୍ ପରୀକ୍ଷାରେ ସଫଳତା ପାଇଥିଲେ ଏବଂ ପରେ ବିଏଚ୍ଏଲ୍ କମ୍ପାନୀରେ ବୈଷୟିକ ଅଧିକାରୀ ଭାବରେ କାର୍ଯ୍ୟ କରିବା ଆରମ୍ଭ କରିଥିଲେ।

ଜାଗୃତି ସିଭିଲ ସର୍ଭିସକୁ ଯିବାର ସ୍ୱପ୍ନ ଦେଖିଥିଲେ। ସେ ଏଥିପାଇଁ ପ୍ରସ୍ତୁତି ଆରମ୍ଭ କରିଥିଲେ ଏବଂ ଦୁଇ ବର୍ଷ ପରେ ଚାକିରି ଛାଡିଦେଇଥିଲେ। ୨୦୧୯ରେ ସେ ସିଭିଲ୍ ସର୍ଭିସ୍ ପ୍ରସ୍ତୁତି ପାଇଁ ଦିଲ୍ଲୀ ଯାଇଥିଲେ। ସେହିପରି କରୋନା କାରଣରୁ ଲକଡାଉନ୍ ହୋଇଥିଲା ଏବଂ କୋଚିଂ ଇନଷ୍ଟିଚ୍ୟୁଟ୍ ବନ୍ଦ ରହିଥିଲା, ଯାହା ପରେ ସେ ଭୋପାଳ ଫେରିଥିଲେ। ଭୋପାଳ ଫେରିବା ପରେ ମଧ୍ୟ ଜାଗୃତିଙ୍କ ପାଠପଢ଼ା ବନ୍ଦ ହୋଇ ନଥିଲା। ସେ ଅନଲାଇନ୍ କ୍ଲାସରେ ମାଧ୍ୟମରେ ନିଜର ପ୍ରସ୍ତୁତି ଜାରି ରଖିଥିଲେ। ସିଭିଲ୍ ସର୍ଭିସ୍ ପରୀକ୍ଷାରେ ଜାଗୃତି ପ୍ରଥମ ପ୍ରୟାସରେ ପାସ୍ କରିପାରି ନଥିଲେ। ପ୍ରଥମ ପ୍ରୟାସରେ ସେ ପ୍ରିଲିମ୍ କ୍ଲିୟର ପାରି ନଥିଲେ, କିନ୍ତୁ ଏହା ବି ତାଙ୍କୁ ନିରାଶ କରି ନଥିଲା।

ଜାଗୃତି ନିଶ୍ଚିତ ହୋଇ ପୁଣି ଥରେ ପରୀକ୍ଷା ଦେଇଥିଲେ। ଏବଂ ସେ କେବଳ ଭାରତର କଠିନତମ ପରୀକ୍ଷାରେ ଉତ୍ତୀର୍ଣ୍ଣ ହୋଇ ନଥିଲେ ବରଂ ମହିଳା ବର୍ଗରେ ମଧ୍ୟ ଶୀର୍ଷସ୍ଥାନ ଅଧିକାର କରିଥିଲେ। ୨୦୨୨ ସିଭିଲ୍ ସର୍ଭିସ୍ ରେଜଲ୍ଟରେ ବିହାରର ଶୁଭମ କୁମାର ପ୍ରଥମ ସ୍ଥାନ ଅଧିକାର କରିଥିଲେ। ତାଙ୍କ ପରେ ଜାଗୃତି ଦ୍ବିତୀୟ ସ୍ଥାନ ଅଧିକାର କରିଥିଲେ। ଆଇଏଏସ୍ ହେବା ପରେ ଜାଗୃତିଙ୍କୁ ମେରଠରେ ପ୍ରଥମ ପୋଷ୍ଟିଂ ମିଳିଥିଲା। ସେ ଏସ୍ ଡିଏମ୍ ଭାବେ କାର୍ଯ୍ୟରତ ଅଛନ୍ତି।