କୋର୍ଟ ଭିତରେ ବିଚାରପତିଙ୍କୁ ରୁଟି ଦେଖାଇଲା କଏଦୀ, କହିଲା ଏଭଳି ଖାଦ୍ୟ ପଶୁ ବି ଖାଇବେନି…
ପାଟନା : ବିହାରର ବେଗୁସରାଇରୁ ଏକ ଅଜବ ମାମଲା ସାମ୍ନାକୁ ଆସିଛି । ଜେଲର ଜଣେ ଅନ୍ତେବାସୀ କୋର୍ଟରେ ହାଜର ହେବା ସମୟରେ ବିଚାରପତିଙ୍କ ସମ୍ମୁଖରେ ଏକ ରୁଟି ଦେଖାଇ କହିଥିଲେ ଯେ କୌଣସି ପଶୁ ଏହି ରୁଟି ଖାଇବେ ନାହିଁ, କିନ୍ତୁ ଜେଲରେ ଏହା କଏଦୀମାନଙ୍କୁ ଖାଇବା ପାଇଁ ଦିଆଯାଉଛି । ହଠାତ୍ କଏଦୀଙ୍କ ଏପରି କାର୍ଯ୍ୟକଳାପ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଗଲେ । କେବଳ ଏତିକି ନୁହେଁ, କଏଦୀଜଣକ ମଧ୍ୟ ବିଚାରପତିଙ୍କୁ କହିଲେ ଯେ ଯଦି ଆପଣ ବିଶ୍ୱାସ କରୁନାହାନ୍ତି, ତେବେ ଯାଇ ନିଜେ ଦେଖିଆସନ୍ତୁ । ଏହି ଅଭିଯୋଗ ପରେ ଘଟଣାର ତଦନ୍ତ କରାଯିବ ବୋଲି କଏଦୀଙ୍କୁ ନିଶ୍ଚିତ କରାଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ରାମଜାପୋ ଯାଦବ ନାମକ ଜଣେ କଏଦୀ ଜେଲରୁ କୋର୍ଟରେ ହାଜର ହୋଇଥିଲେ। କୋର୍ଟକୁ ଯିବା ଆଗରୁ ସେ ତାଙ୍କ ବ୍ୟାଗରେ ଦଶ-ବାର ଖଣ୍ଡ ରୁଟି ରଖିଥିଲେ । କୋର୍ଟରେ ବିଚାରପତିଙ୍କୁ ଦେଖାଇ କହିଥିଲେ- ସାର୍, ଇଏ ସେହି ରୁଟି ଯାହା ଆମକୁ ଖାଇବାକୁ ମିଳିଛି । ଏହି ରୁଟି ଏପରି ହୋଇଛି ଏହାକୁ କୌଣସି ପଶୁ ଖାଇବେ ନାହିଁ । ସେ ଅଭିଯୋଗ କରିଥିଲେ ଯେ ଜେଲରେ ଥିବା ଅନ୍ତେବାସୀଙ୍କୁ ପଶୁମାନଙ୍କ ଅପେକ୍ଷା ଖରାପ ଖାଦ୍ୟ ଖାଇବାକୁ ଦିଆଯାଉଛି ।
କଏଦୀ ଅଭିଯୋଗ କରିଛନ୍ତି ଯେ କଏଦୀମାନଙ୍କୁ ଜେଲ ପ୍ରଶାସନ ଦ୍ୱାରା କଞ୍ଚାରୁଟି ଦିଆଯାଏ ନହେଲେ ପୂରା ପୋଡ଼ି ଯାଇଥିବା ରୁଟି ମିଳିଥାଏ । ସବୁଠାରୁ ବଡ଼ କଥା ହେଉଛି କଏଦୀ ନିଜେ ଜେଲରେ ମିଳୁଥିବା ରୁଟିକୁ ଗୁଡ଼ାଇ କୋର୍ଟକୁ ଆଣିଥିଲେ । କଏଦୀ ଆହୁରି କହିଛନ୍ତି ଯେ ଯଦି ବିଶ୍ୱାସ ହେଉ ନାହିଁ, ତେବେ ତିନିଟା ବେଳେ ଜେଲରେ ଖାଦ୍ୟ ଦିଆଯାଏ, ଆପଣ ଯାଇ ଦେଖିପାରିବେ ।