ପାକିସ୍ତାନର ଏହି ସହରରେ ସେନା ଛତ୍ରଛାୟାରେ ବିନ୍ଦାସ ବୁଲୁଛି ପୁଲଓ୍ୱାମା ଆକ୍ରମଣର ମାଷ୍ଟର ମାଇଣ୍ଡ !
ନୂଆଦିଲ୍ଲୀ: ଗତ ଗୁରୁବାର ହୋଇଥିବା ଆତଙ୍କବାଦୀ ଆକ୍ରମଣ ଗତ ତିନି ଦଶକ ମଧ୍ୟରେ ହୋଇଥିବା ସବୁଠାରୁ ବଡ ଆତଙ୍କବାଦୀ ଆକ୍ରମଣ ବୋଲି କୁହାଯାଉଛି । ଜୈଶ୍-ଇ-ମହମ୍ମଦ(ଜେଏମ୍) ଆତଙ୍କବାଦୀ ସଂଗଠନ ଏହି ଆକ୍ରମଣ ଲାଗି ନିଜକୁ ଦାୟୀ କରିଛି। ଜେଏମର ମାଷ୍ଟର ମାଇଣ୍ଡ ମାସୁଦ୍ ଅଝାର ଏହାର ସୂତ୍ରଧର ବୋଲି କୁହାଯାଉଛି । ଏକଦା ଭାରତୀୟ ଜେଲରେ ବନ୍ଦ ଥିଲା ଅଝାର । କିନ୍ତୁ ଡିସେମ୍ବର ୧୯୯୯ରେ ଇଣ୍ଡିଆନ ଏୟାରଲାଇନ୍ସର ବିମାନ ଅପହରଣ ପରେ ଯାତ୍ରୀମାନଙ୍କୁ ମୁକ୍ତ କରିବା ପାଇଁ ତତ୍କାଳୀନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ସରକାର ବିବଶ ହୋଇ ତାକୁ ମୁକ୍ତ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
୧୯୯୯ ମସିହାରେ ହୋଇଥିବା ବିମାନ ଅପହରଣ ଘଟଣା ପରେ କୁଖ୍ୟାତ ଆତଙ୍କବାଦୀ ମାସୁଦ ଆଝାରକୁ ମୁକ୍ତ କରିବା ଭାରତ ପାଇଁ ଦିନକୁ ଦିନ ମହଙ୍ଗା ପଡ଼ିବାରେ ଲାଗିଛି । ବିମାନଯାତ୍ରୀଙ୍କ ମୁଣ୍ଡ ଜାମିନ୍ ରଖି ଭାରତୀୟ ଜେଲରୁ ଖଲାସ୍ ହୋଇଥିବା ମାସୁଦ ଆଝାର, ଗୋଟିଏ ପରେ ଗୋଟିଏ ଆତଙ୍କବାଦୀ କାର୍ଯ୍ୟକଳାପକୁ ନିର୍ଣ୍ଣାୟକ ମୋଡ଼ରେ ପହଂଚାଇବାରେ ସଫଳ ହୋଇଛି । ଭାରତୀୟ ଗଣତନ୍ତ୍ରର ମନ୍ଦିର କୁହାଯାଉଥିବା ସଂସଦ ଭବନ ଉପରେ ଆକ୍ରମଣ, ଉରୀ ଆତଙ୍କବାଦୀ ଆକ୍ରମଣ, ପଠନାକୋଟ୍ ଆକ୍ରମଣ ପରେ ପୁଲୱାମାରେ ସବଠୁ ବଡ ଆତଙ୍କବାଦୀ ଆକ୍ରମଣ କରିଛି ମାସୁଦ ଆଝାରଙ୍କ ସଂଗଠନ- ଜୈଶ୍-ଇ-ମହମ୍ମଦ ।
ପାକିସ୍ତାନର ୧୨ତମ ବଡ ସହର ବହାବଲପୁରରେ ଲୁଚିଛି ଅଝାର । ଏହି ସହରରେ ଥିବା ଏକ ବିଶାଳ ଧଳା ମସଜିଦ ସମସ୍ତଙ୍କ ଧ୍ୟାନ ଆକର୍ଷଣ କରେ । ଏହି ମସଜିଦର ନାମ ଜାମିୟା ସୁଭାନ ଆଲ୍ଲା । ଏହି ମସଜିଦରେ ରହିଛି ଜୈଶର ମୁଖ୍ୟାଳୟ ଏବଂ ମୌଲାନା ମାସୁଦ ଆଝାରର କାର୍ଯ୍ୟାଳୟ । ବହାବଲପୁରରେ ପାକିସ୍ତାନ ଆର୍ମିର ୩୧ଟି ମୁଖ୍ୟାଳୟ ରହିଛି । ଏହି ଅଞ୍ଚଳ ଖୁବ୍ ସମ୍ବେଦନଶୀଳ । ଭାରତର ମୋଷ୍ଟ ୱାଂଟେଡ କୁଖ୍ୟାତ ଅପରାଧୀ ପାକିସ୍ତାନର ଛତ୍ରଛାୟା ତଳେ ରହି ନିଜ ଆତଙ୍କର କାୟା ବିସ୍ତାର କରୁଛି ।