ଶ୍ରୀନଗର : ଆଜି ଜାମ୍ମୁ ଓ କାଶ୍ମୀରରେ ସିଆରପିଏଫ ଉପରେ ହୋଇଥିବା ଆତଙ୍କବାଦୀ ଆକ୍ରମଣରେ ସହିଦ ହୋଇଥିବା ଯବାନଙ୍କ ସଂଖ୍ୟା ୩୦ରେ ପହଞ୍ଚିଥିବା ସୂଚନା ମିଳିଛି । ଏହି ଘଟଣାରେ ପ୍ରାୟ ୪୫ ଯବାନ ଆହତ ହୋଇଛନ୍ତି । ଆଗକୁ ମୃତ୍ୟୁସଂଖ୍ୟା ବଢିବାର ଆଶଙ୍କା ରହିଛି । ଜୈସ-ଇ-ମହମ୍ମଦ ସଂଗଠନର ଏକ ଶାଖା ସଂଗଠନ ଜୈସ ଅଲ ଆଦିଲ ଏହି ଆକ୍ରମଣ ପାଇଁ ନିଜକୁ ଦାୟୀ କରିଛି । ଜୈସ ଆତଙ୍କବାଦୀ ଆଦିଲ ମହମ୍ମଦ ଦର ଏହି ଆତ୍ମଘାତୀ ଆକ୍ରମଣ ଘଟାଇଥିବା ଜଣାପଡିଛି । ସେ ନିଜେ କାରରେ ବିସ୍ଫେରକ ଖଞ୍ଜି ସିଆରପିଏଏଫ ବସକୁ ଉଡାଇଦେବା ସହ ଗୁଳି ଚଳାଇ ଆକ୍ରମଣ କରିଥିଲା ।
Sambad is now on WhatsApp
Join and get latest news updates delivered to you via WhatsApp
ଏହି ଆକ୍ରମଣର ଠିକ ପରେ ପରେ ଜୈସ ପକ୍ଷରୁ ଆଦିଲ ମହମ୍ମଦ ଦରର ଏକ ଭିଡିଓ ଜାରି କରି କରାଯାଇଥିଲା । ଏହି ଭିଡିଓରେ ସେ ରାଇଫଲ ଓ ଗ୍ରେନେଡ ଧରିଥିବା ଦେଖିବାକୂୁ ମିଳିଛି ଓ ତା’ ପଛରେ ଜୈସ-ଇ-ମହମ୍ମଦର ଏକ ବ୍ୟାନର ରହିଛି । ଅନ୍ୟପକ୍ଷରେ ଏହି ଘଟଣାରେ ୧୦୦ ଜଣ ଭାରତୀୟ ସୈନିକ ସହିଦ ହୋଇଥିବା ଜୈସ ଦାବି କରିଛି ।