ଶାହବାଜ ସରିଫଙ୍କୁ ସାକ୍ଷାତ କଲେ ଜୟଶଙ୍କର

ଇସଲାମାବାଦ: ଏସସିଓ ଶିଖର ସମ୍ମିଳନୀରେ ଯୋଗ ଦେଇଥିବା ଭାରତର ବୈଦେଶିକ ମନ୍ତ୍ରୀ ଜୟଶଙ୍କରଙ୍କ ସମେତ ସମସ୍ତ ଅତିଥିଙ୍କ ପାଇଁ ପାକିସ୍ତାନ ପ୍ରଧାନମନ୍ତ୍ରୀ ଶାହବାଜ ସରିଫ୍ ଏକ ରାତ୍ରୀ ଭୋଜନର ଆୟୋଜନ କରିଛନ୍ତି। ରାତ୍ରୀ ଭୋଜନ ପାଇଁ ପହଞ୍ଚିବା ପରେ ଶାହବାଜ ସରିଫ ସମସ୍ତ ଅତିଥିଙ୍କୁ ସ୍ୱାଗତ କରିଥିଲେ। ଏହି ସମୟରେ ଏସ୍ ଜୟଶଙ୍କର ଓ ଶାହବାଜ ସରିଫ୍ ମଧ୍ୟ ପରସ୍ପରକୁ ହାତ ମିଳାଇ ଶୁଭେଚ୍ଛା ଜଣାଇଥିଲେ। ଏହି ସମୟର ଉଭୟ  କିଛି ମିନିଟ ପାଇଁ ଏକ ସଂକ୍ଷିପ୍ତ ଆଲୋଚନା କରିଥିଲେ ।

ରାତ୍ରୀ ଭୋଜନ ପୂର୍ବରୁ ନିଆଯାଇଥିବା ଫଟୋରେ ଶାହବାଜ ସରିଫ ଏସ ଜୟଶଙ୍କରଙ୍କୁ ସ୍ୱାଗତ କରିବା ସହ ତାଙ୍କ ସହ ହାତ ମିଳାଉଥିବା ଦେଖିବାକୁ ମିଳିଛି । ଏହି ସମୟରେ ସେମାନେ ସଂକ୍ଷିପ୍ତ କଥାବାର୍ତ୍ତା ମଧ୍ୟ କରିଥିଲେ।

ରାତ୍ରୀ ଭୋଜନ ପୂର୍ବରୁ ନିଆଯାଇଥିବା ଫଟୋରେ ଶାହବାଜ ସରିଫ ଏସ ଜୟଶଙ୍କରଙ୍କୁ ସ୍ୱାଗତ କରିବା ସହ ତାଙ୍କ ସହ ହାତ ମିଳାଉଥିବା ଦେଖିବାକୁ ମିଳିଛି । ଏହି ସମୟରେ ସେମାନେ ସଂକ୍ଷିପ୍ତ କଥାବାର୍ତ୍ତା ମଧ୍ୟ କରିଥିଲେ।

ଜୟଶଙ୍କର ମଙ୍ଗଳବାର ସନ୍ଧ୍ୟାରେ ପାକିସ୍ତାନରେ ପହଞ୍ଚିଛନ୍ତି। ପାଖାପାଖି ଏକ ଦଶନ୍ଧି ମଧ୍ୟରେ ପ୍ରଥମ ଥର ପାଇଁ କୌଣସି ଶୀର୍ଷ ଭାରତୀୟ ନେତା ପାକିସ୍ତାନ ଗସ୍ତ କରିଛନ୍ତି। ଜୟଶଙ୍କର ଅପରାହ୍ନ ପ୍ରାୟ ସାଢ଼େ ୩ଟାରେ ନୁର ଖାନ୍ ଏୟାରବେସରେ ଅବତରଣ କରିଥିଲେ। ଏଠାରେ ମହାନିର୍ଦ୍ଦେଶକ ଏଲିଆସ୍ ମହମ୍ମଦ ନିଜାମୀ ଏବଂ ଅନ୍ୟ ପାକିସ୍ତାନୀ ଅଧିକାରୀମାନେ ତାଙ୍କୁ ସ୍ୱାଗତ କରିଥିଲେ।