ଶ୍ରୀନଗରରେ ସୁରକ୍ଷାକର୍ମୀ-ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ : ଏନକାଉଣ୍ଟରରେ ୩ ଆତଙ୍କବାଦୀ ନିହତ, ଜଣେ ଯବାନ ଆହତ
ନୂଆଦିଲ୍ଲୀ: ଜମ୍ମ-ୁକାଶ୍ମୀରର ଶ୍ରୀନଗରରେ ଏନକାଉଣ୍ଟର । ଏହି ଏନକାଉଣ୍ଟରରେ ୩ଜଣ ୩ ଆତଙ୍କବାଦୀ ନିହତ ହୋଇଥିବା ବେଳେ ଜଣେ ସିଆରପିଏଫ୍ ଅଫିସର ଆହତ ହାଇଥିବା ନେଇ ସୂଚନା ମିଳିଛି । ଆଜି ଗୁରୁବାର ଭୋର ୩ଟା ୫୦ମିନିଟରେ ଶ୍ରୀନଗରର ବଟମାଲୁ ଅଞ୍ଚଳରେ ସର୍ଚ୍ଚ ଅପରେସନ ଆରମ୍ଭ ହୋଇଥିଲା । ଏବେ ସୁଦ୍ଧା ୩ଜଣ ଆତଙ୍କବାଦୀ ନିହତ ହୋଇସାରିଥିବା ବେଳେ ଆଉ କିଛି ଆତଙ୍କବାଦୀ ଲୁଚି ରହିଥିବା ସନ୍ଦେହ କରି ସିଆରପିଏଫ୍ ଯବାନ ଏବଂ ଜମ୍ମୁ-କଶ୍ମୀର ପୁଲିସ ସର୍ଚ୍ଚ ଅପରେସନ ଜାରି ରଖିଛି।
Sambad is now on WhatsApp
Join and get latest news updates delivered to you via WhatsApp
ବଟମାଲୁ ଅଞ୍ଚଳରେ ଆତଙ୍କବାଦୀ ଲୁଚିଥିବା ଗୁଇନ୍ଦାସୂଚନା ମିଳିବା ପରେ ଆରମ୍ଭ ଅପରେସନ ହୋଇଥିଲା । ଆଖପାଖ ଅଞ୍ଚଳକୁ ପୁରା କର୍ଡନ କରି ରଖାଯିବା ସହ ସେନା ସର୍ଚ୍ଚ ଅପରେସନ ଆରମ୍ଭ କରିଥିଲା। ୩ଜଣଙ୍କୁ ସେନା ନିହତ କରିବା ପରେ ଏବେ ପ୍ରତ୍ୟକ ଛକ ମାନଙ୍କରେ ସଶସ୍ତ୍ର ବଳ ମୁତୟନ ଅଛନ୍ତି । ସିଆରପିଏଫର କୁଇକ୍ ଆକ୍ସନ ଟାକ୍ସଫୋର୍ସର ଯବାନ ଓ ଆତଙ୍କବାଦୀଙ୍କ ମଧ୍ୟରେ ଚାଲିଛି ଗୁଳି ବିନିମୟ । ଶେଷ ଖବର ସୁଦ୍ଧା ଆଉ କିଛି ଆତଙ୍କବାଦୀ ସେହି ଅଞ୍ଚଳରେ ଛପିଥିବା ସନ୍ଦେହ କରାଯାଉଛି ।
ଗତକାଲି ପୁଲୱମାର କାକାପୋରା ଅଞ୍ଚଳରେ ଆତଙ୍କବାଦୀ ଛପିଥିବା ଖବର ମିଳିଥିଲା । ଏହା ପର ଠାରୁ ଆଲର୍ଟରେ ଥିଲା ସେନା । ଆରମ୍ଭ କରିଥିଲା ବଡ ଧରଣର ସର୍ଚ୍ଚ ଅପରେସନ । ବଟମାଲୁ ଅଞ୍ଚଳରେ ଆତଙ୍କବାଦୀ ପ୍ରଥମେ ସେନା ଉପରକୁ ଗୁଳି ମାଡ କରି ଖସି ଯିବାକୁ ଉଦ୍ୟମ କରିବା ପରେ ଚାରିପଟୁ ଘେରି ଜବାବ ଦେଇଥିଲା ଭାରତୀୟ ସେନା । ଏହି ଅପରେସନରେ ସିଆରପିଏଫ୍, ଜମ୍ମୁ-କଶ୍ମୀର ପୁଲିସ ଏବଂ ରାଷ୍ଟ୍ରୀୟ ରାଇଫଲର ୫୦ ଜଣ ଯବାନ ସାମିଲ ହୋଇଛନ୍ତି ।