୫୫ ଡିଗ୍ରୀ ତାତି ବି ଭାଙ୍ଗିପାରିନି ଯବାନଙ୍କ ଦେଶ ପ୍ରେମ: ଖରାରେ ଜଗିଛନ୍ତି ସୀମା

ପ୍ରବଳ ଖରା ହେଉଥିବାରୁ ପିଇବା ପାଇଁ ମାଠିଆରେ ପାଣି ରଖିଛନ୍ତି । ରାଜସ୍ଥାନ ମରୁଭୁମୀରେ ଦେଶ ପାଇଁ ନିଜ ଜୀବନକୁ ବାଜି ଲଗାଇ ସୁରକ୍ଷା ଯୋଗାଉଛନ୍ତି ବିଏସଏଫ ଯବାନ । ଭାରତ-ପାକିସ୍ତାନ ସୀମାରୁ ଆସିଥିବା ଏହି ଦୃଶ୍ୟକୁ ନେଇ ଯବାନଙ୍କୁ ପ୍ରଶଂସା କରିଛନ୍ତି ଲୋକେ।

ଆମେ ଜାଣନ୍ତି ଯେ ଗତକାଲି ପ୍ରଚଣ୍ଡ ଖରା ଯୋଗୁଁ ରାଜସ୍ଥାନ ଜୈସଲମେରରେ ବିଏସଏଫ କନଷ୍ଟେବଳ ଅଜୟ କୁମାରଙ୍କ ମୃତ୍ୟୁ ହୋଇଥିଲା। ଅଜୟଙ୍କ ଘର ପଶ୍ଚିମବଙ୍ଗରେ । ହଠାତ୍ ସେ ଅସୁସ୍ଥ ହୋଇପଡିଥିଲେ ତାଙ୍କୁ ହସ୍ପିଟାଲ ନିଆଯାଇଥିଲା। ହସ୍ପିଟାଲ୍‌ରେ ଡାକ୍ତର ଚିକିତ୍ସାଧୀନ ଅବସ୍ଥାରେ ତାଙ୍କୁ ମୃତ ଘୋଷଣା କରିଥିଲେ । ହିଟ୍ ୱେଭ ନେଇ ରାଜସ୍ଥାନ ପାଇଁ ରେଡ ୱାର୍ଣ୍ଣିଂ ଜାରି କରିଛି ଭାରତୀୟ ପାଣିପାଗ ବିଭାଗ।