ମହିଳା ଅଧିକାରର ଜଣେ ଦୃଢ଼ ସମର୍ଥକ ଥିଲେ ଜୟନ୍ତୀ ପଟ୍ଟନାୟକ : ରାହୁଲ୍ ଗାନ୍ଧୀ
ନୂଆଦିଲ୍ଲୀ: ମହିଳାମାନଙ୍କ ଅଧିକାର କ୍ଷେତ୍ରରେ ଶ୍ରୀମତୀ ଜୟନ୍ତୀ ପଟ୍ଟନାୟକ ଥିଲେ ଜଣେ ଦୃଢ଼ ସମର୍ଥକ ଓ ସେ କ୍ଷେତ୍ରରେ ସେ ନିରବଚ୍ଛିନ୍ନ ଉଦ୍ୟମ କରୁଥିଲେ ବୋଲି ପୁତ୍ର ପୃଥ୍ବୀବଲ୍ଲଭ ପଟ୍ଟନାୟକଙ୍କ ନିକଟକୁ ଲେଖିଥିବା ଶୋକବାର୍ତ୍ତାରେ କଂଗ୍ରେସ ସାଂସଦ ରାହୁଲ୍ ଗାନ୍ଧୀ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ରାହୁଲ୍ ଲେଖିଛନ୍ତି ଯେ ‘‘ ଆପଣଙ୍କ ମାଆ ଶ୍ରୀମତୀ ଜୟନ୍ତୀ ପଟ୍ଟନାୟକଙ୍କ ମୃତ୍ୟୁ ଖବର ପାଇ ଖୁବ୍ ଦୁଃଖିତ। କଂଗ୍ରେସ ପରିବାରର ଏଭଳି ଜଣେ ସଦସ୍ୟଙ୍କୁ ଆମେ ହରାଇଛୁ ଯାହାଙ୍କର ଲିଙ୍ଗଗତ ସମାନତା ପ୍ରତି ଥିବା ପ୍ରତିବଦ୍ଧତା ଅନେକଙ୍କୁ ପ୍ରଭାବିତ କରିଥିଲା। ସାଧାରଣ ଜୀବନରେ ଶ୍ରୀମତୀ ଜୟନ୍ତୀ ପଟ୍ଟନାୟକଙ୍କ ଦୀର୍ଘ ଦିନର ସମ୍ପୃକ୍ତି, ଗଣତନ୍ତ୍ର ପ୍ରତି ଥିବା ତାଙ୍କର ଅତୁଟ ବିଶ୍ବାସ ଏବଂ ସମାଜର ଅବହେଳିତ ବର୍ଗଙ୍କ ଜୀବନ ପରିବର୍ତ୍ତନ କରିବାରେ ଗଣତନ୍ତ୍ର ଦକ୍ଷତାକୁ ସୁସ୍ପଷ୍ଟ କରେ। ମହିଳାମାନଙ୍କ ଅଧିକାର କ୍ଷେତ୍ରରେ ସେ ଥିଲେ ଜଣେ ଦୃଢ଼ ସମର୍ଥକ। ସେ ଦିଗରେ ସେ ନିରବଚ୍ଛିନ୍ନ ଉଦ୍ୟମ କରୁଥିଲେ। ତାଙ୍କ ସହ ପରିଚୟ ଥିବା ଭାଗ୍ୟବାନ୍ମାନେ ତାଙ୍କର ପ୍ରଜ୍ଞା ଓ ସାମର୍ଥ୍ୟର ଅନୁପସ୍ଥିତି ଅନୁଭବ କରିବେ।’’
ତାଙ୍କୁ ହରାଇ ଆପଣ ଅନୁଭବ କରୁଥିବା କଷ୍ଟ ଓ ଦୁଃଖ କଥା ମୁଁ କଳ୍ପନା କରିପାରୁଛି। ଅନୁଗ୍ରହ କରି ମୋର ଆନ୍ତରିକ ସମବେଦନା ଗ୍ରହଣ କରିବେ। ଏଭଳି ଦୁଃଖଦ ସମୟରେ ଆପଣ ଓ ଆପଣଙ୍କ ପରିବାର ପ୍ରତି ମୋର ସମବେଦନା ଜଣାଉଛି ବୋଲି ଉକ୍ତ ଶୋକବାର୍ତ୍ତାରେ ରାହୁଲ ଗାନ୍ଧୀ ଉଲ୍ଲେଖ କରିଛନ୍ତି।