ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଜୟଲଳିତାଙ୍କ ମୃତ୍ୟୁ ପଛରେ ଷଡ଼ଯନ୍ତ୍ର ଥିବା ନେଇ ସଂଦେହ କଲେ ତଦନ୍ତ ଆୟୋଗ
ଚେନ୍ନାଇ : ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଜେ.ଜୟଲଳିତା ମୃତ୍ୟୁବରଣ କରିବାର ଦୁଇ ବର୍ଷରୁ କିଛି ଅଧିକ ସମୟ ବିତିଯାଇଥିଲେ ମଧ୍ୟ ତାଙ୍କ ମୃତ୍ୟୁକୁ ନେଇ ବିବାଦ ଏବେ ବି ଜାରି ରହିଛି । ଏବେ ବି ତାଙ୍କ ମୃତ୍ୟୁ କିପରି ହେଲା ତାକୁ ନେଇ ସଂଦେହ ଦୂରହୋଇନାହିଁ ।
Sambad is now on WhatsApp
Join and get latest news updates delivered to you via WhatsApp
ଜୟଲଳିତାଙ୍କ ମୃତ୍ୟୁର ତଦନ୍ତ ପାଇଁ ଗଠିତ ତଦନ୍ତ କମିଶନର ଜଣେ ପରାମର୍ଶଦାତା ଅଭିଯୋଗ କରିଛନ୍ତି ଯେ ରାଜ୍ୟର ତତକାଳୀନ ସ୍ୱାସ୍ଥ୍ୟସଚିବ ଜେ. ରାଧାକ୍ରିଷ୍ଣନ ଆପୋଲୋ ହସପିଟାଲ ସହ ମିଳିତ ଭାବେ ଷଡ଼ଯନ୍ତ୍ର କରି ଜୟଲଳିତାଙ୍କୁ ଜାଣିଶୁଣି ଭୁଲ ଚିକିତ୍ସା କରାଉଥିଲେ । ମହମ୍ମଦ ଜଫାରୁଲ୍ଲା ଖାଁ ନାମକ ଏହି ପରାମର୍ଶଦାତା ଏକ ପିଟିସନ ଦାଏର କରି କହିଛନ୍ତି ଯେ ତତକାଳୀନ ମୁଖ୍ୟ ଶାସନ ସଚିବ ପି.ରାମମୋହନ ୨୦୧୬ରେ ଜୟଲଳିତା ହସପିଟାଲରେ ଥିବାବେଳେ ଜାଣିଣୁଣି ତଦନ୍ତ କମିଶନକୁ ଭୁଲ ତଥ୍ୟ ଦେଇଥିଲେ । ତେବେ ଖାଁଙ୍କ ଏହି ଅଭିଯୋଗକୁ ଉଭୟ ରାଧାକ୍ରିଷ୍ଣନ ଓ ଆପୋଲୋ ହସପିଟାଲ ପକ୍ଷରୁ ଖଣ୍ଡନ କରାଯାଇଛି । ସୂଚନାଯୋଗ୍ୟ ଯେ ଦୀର୍ଘ ଦିନ ଧରି ଅସୁସ୍ଥ ରହିବା ପରେ ଜୟଲଳିତା ଗତ ୨୦୧୬ ଡିସେମ୍ବର ୬ ତାରିଖରେ ମୃତ୍ୟୁବରଣ କରିଥିଲେ ।