ସଙ୍କଟରେ ଜେଟ୍ ଏୟାରେଓ୍ଵଜ୍ର ଭାଗ୍ୟ, ୩ମାସ ହେଲାଣି ଦରମା ମିଳି ନ ଥିବାରୁ ସ୍ପାଇସ୍ ଜେଟ୍ ସହ ଯୋଡ଼ି ହୋଇ ପାରନ୍ତି ପାଇଲଟ୍
ନୂଆଦିଲ୍ଲୀ : ଆର୍ଥିକ ଅନଟନ ଦେଇ ଗତି କରୁଥିବା ଜେଟ୍ ଏୟାରେଓ୍ଵଜ୍ର ପାଇଲଟ୍ମାନେ ଏବେ କମ୍ପାନି ଛାଡ଼ି ସ୍ପାଇସ୍ ଜେଟ୍ ସହ ଯୋଡ଼ି ହେବାର ଯୋଜନା କରୁଥିବା ଜଣା ପଡ଼ିଛି । ଜେଟ୍ ଏୟାରେଓ୍ଵଜ୍ରେ ଏବେ ଆର୍ଥିକ ସମସ୍ୟା ଦେଖା ଯାଇଥିବା ବେଳେ ପାଲଇଟ୍ମାନଙ୍କୁ ୩ମାସ ହେଲାଣି ଦରମା ଦିଆ ଯାଇ ନାହିଁ । ଯାହା ପାଇଁ ସେମାନେ ଏଭଳି ଯୋଜନା କରୁଥିବା ଜଣା ପଡ଼ିଛି । ଜେଟ୍ ଏୟାରେଓ୍ଵଜ୍ର ଏ ସମସ୍ୟା ଦେଖି କମ୍ପାନୀର ପାଇଲଟ୍ମାନଙ୍କୁ ଇଣ୍ଡିଗୋ ଏବଂ ସ୍ପାଇସ୍ ଜେଟ୍ ପକ୍ଷରୁ ଚାକିରିର ଅଫର ଦିଆଯାଉଥିବା ସାମ୍ନାକୁ ଆସିଛି । ଇଣ୍ଡିଗୋ ଜେଟ୍ ଏୟାରେଓ୍ଵଜ୍ର ପାଇଲଟ୍ମାନଙ୍କୁ ଦୁଇ ମାସର ବୋନସ ସହ ଜେଟ୍ ଏୟାରେଓ୍ଵଜ୍ରେ ମିଳୁଥିବା ସମାନ ଦରମାରେ ଚାକିରିର ଅଫର ଦେଇଥିବା ବେଳେ ପାଇଲଟ୍ମାନେ କମ୍ପାନୀ ବଦଳାଇବାର ଯୋଜନା କରୁଥିବା ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଜେଟ୍ ଏୟାରେଓ୍ଵଜ୍ ଏସ୍ବିଆଇ ସମେତ ଅନ୍ୟ କିଛି ବ୍ୟାଙ୍କରୁ ୮,୦୫୨କୋଟି ଟଙ୍କାର କରଜ କରିଥିବା ବେଳେ ଏହାକୁ ଫେରାଇବାରେ ଅସମର୍ଥ ହୋଇଛି । ମାର୍ଚ୍ଚ ୩୧ମଧ୍ୟରେ ବାକି ଥିବା ଦରମା ଦିଆ ନଗଲେ ଅପ୍ରେଲ ୧ରୁ ବିମାନ ଉଡ଼ାଣ ବନ୍ଦ କରିବାକୁ ଚେତାବନୀ ଦେଇ ସାରିଛି ପାଇଲଟ୍ ସଂଘ । ଲଗାତାର କମ୍ପାନୀର ଆର୍ଥିକ ଅବସ୍ଥା ଖରାପ ହୋଇ ଚାଲିଥିବାରୁ ଏ ପର୍ଯ୍ୟନ୍ତ ୪୧ଟି ବିମାନର ଉଡ଼ାଣ ବନ୍ଦ କରି ଦେଇଛି ଜେଟ୍ ଏୟାରେଓ୍ଵଜ୍ ।