ରାଞ୍ଚି: ଜଣେ ମନ୍ତ୍ରୀ କରୋନାଭାଇରସ୍ ପଜିଟିଭ୍ ‌ବୋଲି ପରୀକ୍ଷାରୁ ଜଣାପଡ଼ିବା ପରେ ଝାଡ଼ଖଣ୍ଡର ମୁଖ୍ୟମନ୍ତ୍ରୀ ହେମନ୍ତ ସୋରେନ ତାଙ୍କ ରାଞ୍ଚି ବାସଭବନରେ ହୋମ୍ କ୍ବାରେଣ୍ଟିନ୍‌ରେ ରହିଛନ୍ତି। ସେ ମନ୍ତ୍ରୀଙ୍କୁ ସୋରେନ୍ ପୂର୍ବରୁ ଭେଟିଥିଲେ।

Advertisment

ବୁଧବାର ଦିନ ଏକ ବିବୃତିରେ ଝାଡ଼ଖଣ୍ଡ ରାଜ୍ୟ ସରକାର କହିଛନ୍ତି,  ମୁଖ୍ୟମନ୍ତ୍ରୀ ହେମନ୍ତ ସୋରେନ ହୋମ୍ କ୍ବାରେଣ୍ଟିନ୍‌ରେ ଅଛନ୍ତି। ମୁଖ୍ୟମନ୍ତ୍ରୀଙ୍କ ବାସ ଭବନକୁ ପ୍ରବେଶ ନିଷେଧ କରାଯାଇଛି। ମୁଖ୍ୟମନ୍ତ୍ରୀ ଗତକାଲି କୋଭିଡ୍-୧୯ ପଜିଟିଭ୍ ଜଣାପଡ଼ିଥିବା ରାଜ୍ୟ ମନ୍ତ୍ରୀ ମିଥିଳେଶ ଠାକୁରଙ୍କ ସଂସ୍ପର୍ଶରେ ଆସିଥିଲେ।

publive-image Image Courtesy of Hindustan Times

ଝାଡ଼ଖଣ୍ଡ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟର ସମସ୍ତ କର୍ମଚାରୀ ମଧ୍ୟ ହୋମ୍‌ କ୍ବାରେଣ୍ଟିନ୍‌ରେ ରୁହନ୍ତୁ ବୋଲି ମୁଖ୍ୟମନ୍ତ୍ରୀ ସୋରେନ୍ କହିଛନ୍ତି। କ୍ବାରେଣ୍ଟିନ୍‌ରେ ଥିବା ସମୟରେ ମୁଖ୍ୟମନ୍ତ୍ରୀଙ୍କ ନମୁନା ପରୀକ୍ଷା କରାଯିବା ଲାଗି ବ୍ୟବସ୍ଥା କରାଯାଉଛି।

କରୋନାଭାଇରସ୍ ଆକ୍ରାନ୍ତ ମନ୍ତ୍ରୀ ଠାକୁର ଏବଂ ଝାଡ଼ଖଣ୍ଡ ମୁକ୍ତି ମୋର୍ଚା ବିଧାୟକ ମଥୁରା ମହାତୋଙ୍କ ଆଶୁ ଆରୋଗ୍ୟ ମଧ୍ୟ ସେ କାମନା କରିଛନ୍ତି। ଦୁହେଁ ରାଷ୍ଟ୍ରାୟତ ରାଜେନ୍ଦ୍ର ଇନ୍‌ଷ୍ଟିଚ୍ୟୁଟ୍ ଅଫ୍ ମେଡିକାଲ୍ ସାଇନ୍‌ସେସ୍‌ରେ ଭର୍ତ୍ତି ହୋଇଛନ୍ତି।