ଝାଡ଼ଖଣ୍ଡରେ ଗୁଣିଗାରେଡ଼ି ସନ୍ଦେହରେ ୪ଜଣଙ୍କୁ ନିର୍ମମ ହତ୍ୟା
ରାଞ୍ଚି: ବିଜେପି ଶାସିତ ରାଜ୍ୟରେ ଭିଡ଼ ହିଂସା ଥମିବାର ନାମ ନେଉନାହିଁ। ଆଜି ପୁଣି ଝାଡ଼ଖଣ୍ଡରେ ଭିଡ଼ହିଂସାର ଏକ ଚରମ ନିଦର୍ଶନ ଦେଖିବାକୁ ମିଳିଛି । ଝାଡ଼ଖଣ୍ଡରେ ଗୁଣି ଗାରେଡ଼ି ସନ୍ଦେହରେ ୪ଜଣଙ୍କୁ ନିର୍ମମ ଭାବେ ହତ୍ୟା କରାଯାଇଥିବା ଘଟଣା ଚାଞ୍ଚଲ୍ୟ ଖେଳାଇ ଦେଇଛି । ଏହା ଅବଶ୍ୟ ରାଜ୍ୟରେ ପ୍ରଥମ ଘଟଣା ନୁହେଁ। ଆଗରୁ ଏଭଳି ଘଟଣା ବହୁବାର ସାମ୍ନାକୁ ଆସିଛି।
Sambad is now on WhatsApp
Join and get latest news updates delivered to you via WhatsApp
ଝାଡ଼ଖଣ୍ଡର ଗୁମଲା ଜିଲ୍ଲା ସିସଇ ଥାନା ଅଞ୍ଚଳରେ ଏଭଳି ଏକ ଅଭାବନୀୟ ଘଟଣା ଘଟିଛି । ଆଜି ଭୋର ୩ଟା ସମୟରେ ୧୦ରୁ ୧୨ଜଣ ଆକ୍ରମଣକାରୀ ପ୍ରଥମେ ଗୁଣି ଗାରେଡ଼ି ସନ୍ଦେହରେ ୪ଜଣଙ୍କୁ ଘରୁ ଟାଣି ଆଣି ଗାଁଠାରୁ ଦୂରକୁ ନେଇ ମାଡ଼ ମାରିଥିଲେ ଓ ପରେ ସେମାନଙ୍କ ଗଳା କାଟି ହତ୍ୟା କରିଥିଲେ । ମୃତକଙ୍କ ମଧ୍ୟରେ ଗୋଟିଏ ପରିବାରର ଏକ ବୃଦ୍ଧା ଦମ୍ପତି ଓ ଅନ୍ୟ ଘରର ୨ବ୍ୟକ୍ତି ଅଛନ୍ତି ।
ଏମାନେ ହେଲେ ଚାପା ଭଗତ(୬୨), ତାଙ୍କ ସ୍ତ୍ରୀ ପୀରୀ ଦେବୀ (୬୦), ସୁନା ଉରାଂବ ଏବଂ ଫଗନୀ ଦେବୀ (୬୦)। ଖବର ପାଇବା ପରେ ପୁଲିସ ଘଟଣାସ୍ଥଳରେ ପହଞ୍ଚି ଶବଗୁଡ଼ିକୁ ପୋଷ୍ଟମର୍ଟମ ଲାଗି ପଠାଇଥିଲା। ଏହାପରେ ତଦନ୍ତ ଜାରି ରହିଥିବା ଜଣାଯାଇଛି ।