ମାନବିକତାର ପ୍ରମାଣ ଦେଲେ ସିଆର୍ପିଏଫ୍ ଯବାନ: ନକ୍ସଲି ମହିଳାଙ୍କୁ ରକ୍ତ ଦେଇ ବଞ୍ଚାଇଲେ ଜୀବନ
ସିଂହଭୁମ୍(ଝାର୍ଖଣ୍ଡ) : ଝାର୍ଖଣ୍ଡର ସିଂହଭୁମ୍ ଜିଲ୍ଲାରେ ସିଆର୍ପିଏଫ୍ ଯବାନମାନେ କରିଥିବା କାମକୁ ନେଇ ଲୋକମାନେ ପ୍ରଶଂସା କରିବା ଆରମ୍ଭ କରିଛନ୍ତି । ଜଣେ ନକ୍ସଲି ମହିଳାଙ୍କୁ ରକ୍ତ ଦେଇ ତାଙ୍କ ଜୀବନ ବଞ୍ଚାଇବା ଖବର ପ୍ରସାର ହେବା ପରେ ଲୋକମାନେ ୩ଜଣ ସିଆର୍ପିଏଫ୍ ଯବାନଙ୍କ କାମକୁ ଚର୍ଚ୍ଚା କରିବାରେ ଲାଗି ପଡ଼ିଛନ୍ତିି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ,୨୪ଜଣ ନକ୍ସଲମାନେ ଏକତ୍ରିତ ହୋଇ ଏକ ବଡ଼ ଧରଣର ଆକ୍ରମଣ କରିବାର ଯୋଜନା କରୁଥିବା ଖବର ପୁଲିସକୁ ମିଳିଥିଲା । ଯାହା ପରେ ୧୭୪ଜଣ ସିଆର୍ପିଏଫ୍ ଯବାନ ଏବଂ ୬୦ଜଣ ପୁଲିସକର୍ମୀଙ୍କ ଟିମ୍ ଅତିରିକ୍ତ ପୁଲିସ ଅଧ୍ୟୀକ୍ଷକ ମନୀଷ ରମଣଙ୍କ ନେତୃତ୍ୱରେ ନକ୍ସଲମାନଙ୍କୁ ଘେରିବା ସହ ଆତ୍ମସମର୍ପଣ କରିବାକୁ କହିଥିଲେ । କିନ୍ତୁ ନକ୍ସଲମାନେ ଆତ୍ମସମର୍ପଣ କରିବା ଅପେକ୍ଷା ପୁଲିସ ଉପରକୁ ଗୁଳିଚାଳନା କରିଥିଲେ । ଦୁଇ ପକ୍ଷ ମଧ୍ୟରେ ଗୁଳି ଚାଳନା ଚାଲୁଥିବା ବେଳେ ଜଣେ ନକ୍ସଲି ମହିଳାଙ୍କ ବାମ ଗୋଡ଼ରେ ଗୁଳି ବାଜିବାରୁ ସେ ଆହତ ହୋଇ ଯାଇଥିଲେ ।
EPITOME OF BENEVOLENCE: CT Rajkamal of CRPF donated blood to save the life of a Naxal who suffered grievous injuries during the encounter which took place when the Naxals attacked a team of 209 CoBRA. Rajkamal said that he considered his duty to help a fellow Indian in need. pic.twitter.com/VNnIi8Qpub
— ??CRPF?? (@crpfindia) February 5, 2019
ପୁଲିସ ଆକ୍ରମଣକୁ ଡ଼ରି ନକ୍ସଲମାନେ ସେଠାରୁ ଫେରାର ହେବାରେ ସଫଳ ହୋଇଥିଲେ ମଧ୍ୟ ଗୁଳି ବାଜିଥିବା ମହିଳା ଖସି ଯାଇ ପାରି ନଥିଲେ । ପୁଲିସ ପ୍ରଥମେ ସୋନୁଆରେ ତାଙ୍କର ପ୍ରାଥମିକ ଚିକିତ୍ସା କରାଇ ପରେ ଚାଇବାସାକୁ ପଠାଇଥିଲା । କିନ୍ତୁ ନକ୍ସଲି ମହିଳାଙ୍କ ସ୍ୱାସ୍ଥ୍ୟବସ୍ଥା ବିଗିଡ଼ିବାରୁ ଏଏସ୍ଆଇ ପଙ୍କଜ ଶର୍ମା,ହେଡ୍ କନେଷ୍ଟବଳ,ବିଚିତ୍ର କୁମାର ଏବଂ କନେଷ୍ଟବଳ ବୀରବାହାଦୂର ଯାଦବ ମହିଳାଙ୍କୁ ରକ୍ତ ଦେଇ ତାଙ୍କ ଜୀବନ ବଞ୍ଚାଇବାରେ ସଫଳ ହୋଇଥିଲେ ।