ଝାଡ଼ଖଣ୍ଡ ସଙ୍କଟ: ବିଜେପିର ‘ଘୋଡ଼ାବେପାର’କୁ ଡରି ଶାସକ ମେଣ୍ଟର ବିଧାୟକଙ୍କୁ ପଠାଗଲା ‘ଅଜ୍ଞାତବାସ’ରେ

ରାଞ୍ଚି: ଝାଡ଼ଖଣ୍ଡରେ ରାଜନୈତିକ ଅଶାନ୍ତି ଓ ସଙ୍କଟ କ୍ରମେ ତୀବ୍ର ହେଉଥିବା ବେଳେ ଜେଏମଏମ-କଂଗ୍ରେସ ବିଧାୟକମାନଙ୍କୁ ଶନିବାର ଅପରାହ୍ନରେ ରାଜ୍ୟ ବାହାରକୁ ‘ଅଜ୍ଞାତବାସ’ରେ ସ୍ଥାନାନ୍ତର କରାଯାଇଛି।
ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ ଏବଂ ତାଙ୍କ ସହଯୋଗୀ କଂଗ୍ରେସ ସେମାନଙ୍କ ବିଧାୟକମାନଙ୍କୁ ଏକ ଅଜ୍ଞାତ ସ୍ଥାନକୁ ସ୍ଥାନାନ୍ତର କରିବା ପାଇଁ ନିଷ୍ପତ୍ତି ନେବାପରେ ଝାଡ଼ଖଣ୍ଡର ବିଧାୟକଙ୍କୁ ନେଇ ଦୁଇଟି ବସ୍‌ ରାଞ୍ଚିରେ ଥିବା ମୁଖ୍ୟମନ୍ତ୍ରୀ ସୋରେନଙ୍କ ବାସଭବନରୁ ଅଜ୍ଞାତସ୍ଥାନ ଅଭିମୁଖେ ବାହାରି ଯାଇଛି।

ନିର୍ବାଚନ କମିଶନଙ୍କ ପରାମର୍ଶ କ୍ରମେ ଝାଡ଼ଖଣ୍ଡ ରାଜ୍ୟପାଳ ମୁଖ୍ୟମନ୍ତ୍ରୀ ସୋରେନଙ୍କ ବିଧାନସଭା ସଦସ୍ୟତା ରଦ୍ଦ ପାଇଁ ନିଷ୍ପତ୍ତି ନେବାପରେ ଏହି ସଙ୍କଟ ସୃଷ୍ଟି ହୋଇଛି। ଏ ପରିସ୍ଥିିତିରେ ଦ୍ରୁତ ଗତିରେ ବଦଳୁଥିବା ରାଜନୈତିକ ପରିସ୍ଥିତିରେ ଶାସକ ମେଣ୍ଟର ସଂଖ୍ୟା ଅକ୍ଷୁଣ୍ଣ ରଖିବା ପାଇଁ ‘ରିସର୍ଟ ରାଜନୀତି’ ହେଉଛି ସମୟର ଆବଶ୍ୟକତା ବୋଲି ଦଳ ପକ୍ଷରୁ କୁହାଯାଇଛି।

ବିଧାୟକ ଭାବେ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ଭାଗ୍ୟକୁ ନେଇ ସୃଷ୍ଟି ହୋଇଥିବା ଅନିଶ୍ଚିତତା ଯୋଗୁଁ ଝାଡ଼ଖଣ୍ଡରେ ଆରମ୍ଭ ହୋଇଥିବା ରାଜନୈତିକ ସଙ୍କଟ ମଧ୍ୟରେ ଶାସକ ମିଳିତ ମେଣ୍ଟର ବିଧାୟକମାନଙ୍କୁ ପଶ୍ଚିମବଙ୍ଗ କିମ୍ବା ଛତିଶଗଡ଼ ପରି ବନ୍ଧୁତ୍ୱପୂର୍ଣ୍ଣ ରାଜ୍ୟକୁ ସ୍ଥାନାନ୍ତର କରିବାକୁ ପ୍ରସ୍ତୁତି କରାଯାଇଛି। ଯଦି ଆବଶ୍ୟକ ହୁଏ, ତେବେ ଭାରତୀୟ ଜନତା ପାର୍ଟି (ବିଜେପି) ପକ୍ଷରୁ ଆରମ୍ଭ ହୋଇଥିବା ‘ଘୋଡ଼ାବେପାର’ ରୋକିବା ପାଇଁ ଏକାଧିକ ସୂତ୍ରରୁ ନିଶ୍ଚିତ କରାଯାଉଛି।

ଭବିଷ୍ୟତ ରଣନୀତି ପ୍ରସ୍ତୁତ କରିବା ପାଇଁ ମୁଖ୍ୟମନ୍ତ୍ରୀ ସୋରେନଙ୍କ ବାସଭବନରେ ଅନୁଷ୍ଠିତ ଶାସକ ମେଣ୍ଟର ବିଧାୟକଙ୍କ ଏକ ବୈଠକରେ ସମସ୍ତ ଶାସକ ବିଧାୟକ ସେମାନଙ୍କ ଲଗେଜ୍‌ ସହିତ ବୈଠକରେ ଯୋଗ ଦେଇଥିଲେ। ଉଭୟ ଅଣ-ବିଜେପି ସରକାର ଦ୍ୱାରା ପରିଚାଳିତ ଛତିଶଗଡ଼ କିମ୍ବା ପଶ୍ଚିମବଙ୍ଗରେ ଆମର ମିଳିତ ବିଧାୟକମାନଙ୍କୁ ରଖିବା ପାଇଁ ସମସ୍ତ ବ୍ୟବସ୍ଥା କରାଯାଇଛି। ବିଧାୟକ ଏବଂ ସୁରକ୍ଷା କର୍ମୀଙ୍କୁ ସଡ଼କ ପଥରେ ପରିବହନ କରିବା ପାଇଁ ତିନିଟି ବିଳାସପୂର୍ଣ୍ଣ ବସ୍‌ରେ ବିଧାୟକମାନେ ଅଜ୍ଞାତ ସ୍ଥାନକୁ ଯାଇଛନ୍ତି।

ସୂତ୍ରରୁ ପ୍ରକାଶ ଯେ ଏଥିପାଇଁ ବରମୁଦା ଏବଂ ରାୟପୁର ସମେତ ଛତିଶଗଡ଼ର ତିନିଟି ସ୍ଥାନ ଏବଂ ପଶ୍ଚିମବଙ୍ଗର କିଛି ସ୍ଥାନ ଚିହ୍ନଟ କରାଯାଇଛି। ଯଦି ଆବଶ୍ୟକ ହୁଏ ତେବେ ସମସ୍ତ ଶାସକ ବିଧାୟକଙ୍କୁ ଗୋଟିଏ ଗନ୍ତବ୍ୟସ୍ଥଳକୁ ପଠାଯିବ।