ଜମ୍ମୁ ଓ କଶ୍ମୀରରେ ପ୍ରବଳ ତୁଷାରପାତ ମଧ୍ୟରେ ମହିଳା ଏବଂ ତାଙ୍କ ନବଜାତକକୁ ୬ କି.ମି. ବୋହି ନେଲେ ସେନା ଯବାନ
ନୂଆଦିଲ୍ଲୀ: ଜମ୍ମୁ ଓ କଶ୍ମୀରରେ ପ୍ରବଳ ତୁଷାରପାତ କାରଣରୁ ଡାକ୍ତରଖାନାରେ ଅଟକି ରହିଥିବା ଜଣେ ମହିଳା ଏବଂ ତାଙ୍କ ନବଜାତ ସନ୍ତାନକୁ ଭାରତୀୟ ସେନା କର୍ମଚାରୀମାନେ ଏକ ଷ୍ଟ୍ରେଚର୍ରେ ବୋହି ନେଇ ପ୍ରାୟ ୬ କିଲୋମିଟର ଦୂର କୁପଓ୍ଵାରାସ୍ଥିତ ତାଙ୍କ ଘରେ ପହଞ୍ଚାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଶନିବାର ଦିନ କଶ୍ମୀରରେ ପୁନର୍ବାର ସଦ୍ୟ ତୁଷାରପାତ ହୋଇଥିବା ବେଳେ ଘଟଣାଟି ଘଟିଥିବା ରିପୋର୍ଟ କରାଯାଇଛି। ଶ୍ରୀନଗର ସମେତ କଶ୍ମୀରର ଅନେକ ଅଞ୍ଚଳରେ ଏ ମାସରେ ତୃତୀୟ ଥର ଲାଗି ପ୍ରବଳ ତୁଷାରପାତ ଘଟି ବିମାନ ଓ ସଡ଼କ ପରିବହନରେ ବାଧା ଉପୁଜାଇଛି।
#WATCH | Indian Army personnel today carried a woman, who was stuck at a hospital with her newborn child due to heavy snowfall, on a stretcher for almost 6-km to take her to her home in Kupwara, Jammu & Kashmir. pic.twitter.com/Njng8jHYb5
— ANI (@ANI) January 23, 2021
ଶନିବାର ସକାଳେ ତୁଷାରପାତ କାରଣରୁ ଶ୍ରୀନଗର ବିମାନ ବନ୍ଦରରୁ ବିମାନ ଚଳାଚଳ ନ କରିବାରୁ କଶ୍ମୀରକୁ ଯାତାୟତ କରିବାରେ ବାଧା ସୃଷ୍ଟି ହୋଇଥିଲା। ସେହିଭଳି ୨୭୦ କିଲୋମିଟର୍ବିଶିଷ୍ଟ ଜମ୍ମୁ-ଶ୍ରୀନଗର ଜାତୀୟ ରାଜପଥରେ ମଧ୍ୟ ତୁଷାରପାତ ଯୋଗୁଁ ଯାନବାହନ ଚଳାଚଳ ବନ୍ଦ ରହିଥିଲା। ଫଳରେ ଜବାହର ଟନେଲ୍ ଦୁଇ ମୁଣ୍ଡରେ ଶହ ଶହ ଯାନବାହନ ଅଟକି ରହିଥିଲେ।
ପୂର୍ବରୁ କଶ୍ମୀର ଜାନୁଆରି ୩ ତାରିଖରୁ କଶ୍ମୀରରେ କ୍ରମାଗତ ୪ ଦିନ ଧରି ପ୍ରବଳ ତୁଷାରପାତ ହୋଇଥିଲା ବେଳେ ଜାନୁଆରି ୯ ତାରିଖ ଦିନ ମଧ୍ୟମ ଧରଣର ତୁଷାରପାତ ହୋଇଥିଲା।
ଉତ୍ତର କଶ୍ମୀରରେ ଥିବା ପ୍ରସିଦ୍ଧ ଗୁଲ୍ମାର୍ଗ ସ୍କି-ରିସର୍ଟରେ ୧୦ ଇଞ୍ଚ୍ ବହଳର ତୁଷାର ପଡ଼ିଥିବା କଥା ସରକାରୀ ଅଧିକାରୀମାନେ କହିଛନ୍ତି।