ଡୋନାଲ୍ଡ୍ ଟ୍ରମ୍ପ୍ଙ୍କୁ ପରାସ୍ତ କଲେ ଜୋ ବାଇଡେନ୍
ନୂଆଦିଲ୍ଲୀ: ଯୁକ୍ତରାଷ୍ଟ୍ର ଆମେରିକା ରାଷ୍ଟ୍ରପତି ନିର୍ବାଚନରେ ଶନିବାର ଦିନ ଜୋ ବାଇଡେନ୍ ଡୋନାଲ୍ଡ୍ ଟ୍ରମ୍ପ୍ଙ୍କୁ ପରାସ୍ତ କରିଛନ୍ତି। ନିର୍ବାଚନରେ ବିଜୟ ହାସଲ କରିଥିବା ବାଇଡେନ୍ ହେବେ ଯୁକ୍ତରାଷ୍ଟ୍ର ଆମେରିକାର ୪୬ତମ ରାଷ୍ଟ୍ରପତି। ପେନ୍ସିଲ୍ଭାନିଆରେ ଜିଣିବା ପରେ ବାଇଡେନ୍ ୨୭୦ ଇଲେକ୍ଟୋରାଲ୍ କଲେଜ୍ ଭୋଟ୍ ଅତିକ୍ରମ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ସମ୍ପ୍ରତି ‘ରାଷ୍ଟ୍ରପତି-ନିର୍ବାଚିତ’ ଡେମୋକ୍ରାଟିକ୍ ପ୍ରାର୍ଥୀ ଜୋ ବାଇଡେନ୍ ଟୁଇଟ୍ କରି ଲେଖିଛନ୍ତି: ଆମେରିକାବାସୀ, ଆମର ମହାନ୍ ଦେଶର ନେତୃତ୍ବ ନେବା ଲାଗି ଆପଣମାନେ ମୋତେ ଚୟନ କରିଥିବାରୁ ମୁଁ ସମ୍ମାନିତ। ଆମ ଆଗରେ ଥିବା କାମ କଠିନ ହେଲେ ବି ମୁଁ ଆପଣମାନଙ୍କୁ ପ୍ରତିଶ୍ରୁତି ଦେଉଛି: ଆପଣମାନେ ମୋତେ ଭୋଟ୍ ଦେଇ ଥାଆନ୍ତୁ କି, ନ ଦେଇ ଥାଆନ୍ତୁ- ମୁଁ ସମସ୍ତ ଆମେରିକୀୟଙ୍କର ରାଷ୍ଟ୍ରପତି ହେବି। ମୋ ଉପରେ ଆପଣମାନଙ୍କର ବିଶ୍ବାସକୁ ଅତୁଟ ରଖିବି।
ବାଇଡେନ୍ଙ୍କ ବିଜୟ ସହ ଦକ୍ଷିଣ ଏସୀୟ ତଥା ଭାରତୀୟ ବଂଶୋଦ୍ଭବ କମଳା ହ୍ୟାରିସ୍ ଯୁକ୍ତରାଷ୍ଟ୍ର ଆମେରିକାର ପ୍ରଥମ କୃଷ୍ଣକାୟ ଉପରାଷ୍ଟ୍ରପତି-ନିର୍ବାଚିତ ଘୋଷିତ ହୋଇଛନ୍ତି।