ଆଜିଠାରୁ ଗୋଆ ତଟୀୟ ଆରବ ସାଗରରେ ଆରମ୍ଭ ହୋଇ ଯାଇଛି ଭାରତ- ଫ୍ରାନ୍ସ ମଧ୍ୟରେ ମିଳିତ ନୌ ସମରାଭ୍ୟାସ
ପାଣାଜୀ: ଭାରତ ଓ ଫ୍ରାନ୍ସ ମଧ୍ୟରେ ମିଳିତ ନୌ ସମରାଭ୍ୟାସ ‘ବରୁଣା’ ଗୁରୁବାର ଗୋଆ ତଟୀୟ ଆରବ ସଗରରେ ଆରମ୍ଭ ହୋଇଯାଇଛି। ଭାରତୀୟ ଓ ପ୍ରାନ୍ସ ନୌସେନାର ଏହି ମିଳିତ ସମରଭ୍ୟାସ ମେ ୧୦ ତାରିଖ ପର୍ଯ୍ୟନ୍ତ ଜାରି ରହିବ। ଭାରତୀୟ ବିମାନବାହୀ ଜାହାଜ ଆଇଏନ୍ଏସ୍ ବିକ୍ରମାଦିତ୍ୟ ଓ ଫ୍ରାନ୍ସର ବିମାନବାହୀ ଜାହାଜ ଚାର୍ଲସ ଦେ ଗଉଲେ ଏହି ସମରାଭ୍ୟାସରେ ସାମିଲ୍ ହେବେ।
Sambad is now on WhatsApp
Join and get latest news updates delivered to you via WhatsApp
ଆଇଏନ୍ଏସ୍ ବିକ୍ରମାଦିତ୍ୟ ବ୍ୟତୀତ ଆଇଏନ୍ଏସ୍ ମୁମ୍ବାଇ, ଟେଗ୍ କ୍ଲାସ୍ ଫ୍ରାଇଗେଟ୍, ଆଇଏନ୍ଏସ୍ ତରକ୍ସ, ଦ ଶିଶୁମାର-କ୍ଲାସ୍ ସବ୍ମେରାଇନ୍, ଆଇଏନ୍ଏସ୍ ଶଙ୍ଖୁଲ ଏବଂ ଦୀପକ-କ୍ଲାସ ଫ୍ଲିଟ୍ ଟାଙ୍କର୍, ଆଇଏନ୍ଏସ୍ ଦୀପକ ମଧ୍ୟ ଏହି ସମରଭ୍ୟାସରେ ସାମିଲ୍ ହେବେ।
ସେହିପରି ଭାବେ ପ୍ରାନ୍ସର ଧ୍ୱଂସକାରୀ ଏଫ୍ଏନ୍ଏସ୍ ଫୋର୍ବିନ୍, ଏଫ୍ଏନ୍ଏସ୍ ପ୍ରୋଭେନ୍ସ, ଦ ଫ୍ରାଇଗେଟ୍ ଏଫ୍ଏନ୍ଏସ୍ ଟ୍ରେଭିଲେ, ଦ ଟାଙ୍କର୍ ଏଫ୍ଏନ୍ଏସ୍ ମେରାଇନ୍ ଏବଂ ନ୍ୟୁକ୍ଲିୟର୍ ସବ୍ମେରାଇନ୍ ମଧ୍ୟ ଏଥିରେ ଅଂଶୀଦାରିତା ଗ୍ରହଣ କରିବେ।
ଏହି ନୌ ସମରାଭ୍ୟାସରେ ଆଇଏନ୍ଏସ୍ ବିକ୍ରମାଦିତ୍ୟ ପରି ରାଫେଲ୍ ଜେଟ୍ ମଧ୍ୟ ସାମିଲ୍ ହେବ।