ଥିରୁବନନ୍ତପୁରମ୍‌: କେରଳର ଜଣେ ବରିଷ୍ଠ ସାମ୍ବାଦିକଙ୍କର ଆଜି ଥିରୁବନନ୍ତପୁରମ୍‌ରେ ସଡ଼କ ଦୁର୍ଘଟଣାରେ ମୃତ୍ୟୁ ଘଟିଛି। ମାଲୟଲମ୍‌ ଦୈନିକ ଖବରକାଗଜ ‘ସିରାଜ୍‌’ର ବ୍ୟୁରୋ ମୁଖ୍ୟ କେ ମହମ୍ମଦ ବସିର (୩୫)ଙ୍କ ଗାଡ଼ିକୁ ଜଣେ ଆଇଏଏସ୍‌ ଅଧିକାରୀଙ୍କ କାର୍‌ ଧକ୍କା ଦେବା ଫଳରେ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା। ଦୁର୍ଘଟଣା ଘଟାଇଥିବା ଆଇଏଏସ୍‌ ଅଧିକାରୀଙ୍କ ନାମ ଶ୍ରୀରାମ ଭେଙ୍କଟରମଣ। ପୁଲିସ ତାଙ୍କୁ ଏବେ ଗିରଫ କରିଛି। ସେ ନିଶାଶକ୍ତ ଅବସ୍ଥାରେ ଗାଡ଼ି ଚଲାଉଥିବା ବେଳେ ଦୁର୍ଘଟଣା ଘଟାଇଛନ୍ତି। ମ୍ୟୁଜିୟମ ଥାନାଠାରୁ ମାତ୍ର ଅଳ୍ପ କିଛି ବାଟ ଦୂରରେ ଏହି ଦୁର୍ଘଟଣା ଘଟିଛି। ସାମ୍ବାଦିକ ଜଣଙ୍କ ଅଫିସ୍‌ରୁ ଘରକୁ ଫେରୁଥିବା ବେଳେ ଦୁର୍ଘଟଣାର ଶିକାର ହୋଇଛନ୍ତି।