ନୂଆଦିଲ୍ଲୀ: ମା’ କାଳୀଙ୍କ ଉପରେ ତୃଣମୂଳ କଂଗ୍ରେସର ଲୋକସଭା ସାଂସଦ ମହୁଆ ମଇତ୍ର ଦେଇଥିବା ମନ୍ତବ୍ୟକୁ ନେଇ ଏବେ ରାଜନୀତି ଆରମ୍ଭ ହୋଇଛି। ମହୁଆଙ୍କ ମନ୍ତବ୍ୟ ପାଇଁ ଏବେ ପରସ୍ପରକୁ ଟାର୍ଗେଟ କରୁଛନ୍ତି ବିଜେପି-ଟିଏମସି। ଜାତୀୟ ଗଣମାଧ୍ୟମ ଇଣ୍ଡିଆ ଟୁୁଡେର ଏକ କାର୍ଯ୍ୟକ୍ରମର ଯେଗ ଦେଇ ମହୁଆ କହିଥିଲେ ଯେ, ମୋ ପାଇଁ କାଳୀ ଜଣେ ମାଂସ ଖାଉଥିବା, ମଦ୍ୟପାନ କରୁଥିବା ଦେବୀ। ତାଙ୍କର ଏଭଳି ମନ୍ତବ୍ୟକୁ ନେଇ ବିବାଦ ଆରମ୍ଭ ହୋଇଥିବା ବେଳେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜ ଢ଼ଙ୍ଗରେ ମହୁଆଙ୍କୁ ଜବାବ ଦେଇଥିଲେ।
Sambad is now on WhatsApp
Join and get latest news updates delivered to you via WhatsApp
ରବିବାର ରାମକୃଷ୍ଣ ମଠର ୧୫ତମ ଅଧ୍ୟକ୍ଷ ସ୍ବାମୀ ଆତ୍ମସ୍ଥାନନ୍ଦଙ୍କ ଶତବାର୍ଷିକୀ ସମାରୋହକୁ ସମ୍ବୋଧନ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଥିଲେ ଯେ, ଦେବୀ କାଳୀଙ୍କ ଆଶୀର୍ବାଦ ସବୁବେଳେ ଭାରତ ଉପରେ ରହିଛି। ଏହି ଅବସରରେ ପ୍ରଧାନମନ୍ତ୍ରୀ ମୋଦୀ ରାମକୃଷ୍ଣ ପରମହଂସଙ୍କୁ ମନେ ପକାଇ କହିଥିଲେ ଯେ ସ୍ବାମୀ ରାମକୃଷ୍ଣ ପରମହଂସ ଜଣେ ସାଧୁ ଯିଏ ତାଙ୍କ ଆଖି ସାମ୍ନାରେ ମା’ କାଳୀଙ୍କୁ ଦେଖିଥିଲେ। ପ୍ରଧାନମନ୍ତ୍ରୀ ମୋଦୀ ପଶ୍ଚିମବଙ୍ଗର କାଳୀ ପୂଜା ଏବଂ ସ୍ୱାମୀ ବିବେକାନନ୍ଦଙ୍କୁ ମଧ୍ୟ ମନେ ପକାଇ କହିଥିଲେ ଯେ, “ସ୍ବାମୀ ବିବେକାନନ୍ଦ ଜଣେ ବଡ଼ ବ୍ୟକ୍ତିତ୍ବ ଥିଲେ। ହେଲେ ସେ ଦେବୀ କାଳୀଙ୍କ ଆଗରେ ଭକ୍ତିଭାବରେ ପିଲା ପରି ହୋଇଯାଉଥିଲେ। ପ୍ରଧାନମନ୍ତ୍ରୀ ମୋଦୀଙ୍କ ଏଭଳି ଭାଷଣକୁ ପ୍ରଶଂସା କରି ‘ବିଜେପି’ ଆଇ-ଟି-ଇନ୍-ଚାର୍ଜ ଅମିତ ମାଲବିୟ ଟିଏମସିକୁ ଟାର୍ଗେଟ କରିଥିଲେ।
Prime Minister Narendra Modi speaks reverentially about Maa Kaali being the center of devotion, not just for Bengal but whole of India. On the other hand, a TMC MP insults Maa Kaali and Mamata Banerjee instead of acting against her, defends her obnoxious portrayal of Maa Kaali… pic.twitter.com/6O4vYGkasi
— Amit Malviya (@amitmalviya) July 10, 2022
ଏବେ ଏହାର ଜବାବ ଦେବାକୁ ଯାଇ ମହୁଆ କହିଛନ୍ତି ଯେ, ପଞ୍ଚିମବଙ୍ଗ ପାଇଁ ଥିବା ବିଜେପିର ଟ୍ରୋଲ୍-ଇନ୍-ଚାର୍ଜଙ୍କୁ ଉପଦେଶ ଦେବାକୁୁ ଚାହୁଁଛି ଯେ, ସେ ନିଜ ମାଲିକଙ୍କୁ ଜ୍ଞାନ ନଥିବା ବିଷୟରେ କୌଣସି ମନ୍ତବ୍ୟ ଦେବା ପାଇଁ ମନା କରନ୍ତୁ। ଦିଦି ଓ ଦିଦି କହି ଟିଏମସିକୁ ସମାଲୋଚନା କରିଥିବା ବିଜେପି ନିର୍ବାଚନରେ ହାରିଥିଲା। ଏବେ ମା’ ଓ ମା’ କହୁଥିବା ବିଜେପି ଛାତିରେ ମା’ କାଳୀ ଗୋଡ଼ ରଖିବେ।
Would advise BJP Troll-In-Charge for Bengal to tell his masters to stop commenting on things they have no clue about.
Didi O Didi got them the boot.
Now Maa O Maa will get them a foot on their chest.— Mahua Moitra (@MahuaMoitra) July 10, 2022