କାବୁଲ ହୋଟେଲ ଆକ୍ରମଣ ପଛରେ ପାକିସ୍ତାନ, ଆତଙ୍କବାଦୀଙ୍କୁ ତାଲିମ ଦେଇଥିଲା ଆଇଏସଆଇ
କାବୁଲ: ବିଶ୍ୱରେ ଯେଉଁଠି ବି ଆତଙ୍କବାଦୀ ଆକ୍ରମଣ ହେଉଛି ତାହାର ଚେର ପାକିସ୍ତାନରେ ବାହାରୁଛି । ତେବେ ପାକିସ୍ତାନି ଆକ୍ରମଣର ସବୁଠୁ ବେଶୀ ଶିକାର ହେଉଛନ୍ତି ଭାରତ ଓ ଆଫଗାନିସ୍ତାନ । ଆଫଗାନିସ୍ତାନରେ ଅସ୍ଥିରତା ସୃଷ୍ଟି ପାଇଁ ପାକିସ୍ତାନ ତାଲିବାନ ଓ ହକ୍କାନି ନେଟଓ୍ଵାର୍କ ମାଧ୍ୟମରେ ଆତଙ୍କବାଦ ଚଳାଉଛି । ଚଳିତ ମାସରେ ଆଫଗାନିସ୍ତାନ ରାଜଧାନୀ କାବୁଲରେ ଲଗାତାର ହୋଇଥିବା ଭୟଙ୍କର ଆତଙ୍କବାଦୀ ଆକ୍ରମଣ ପଛରେ ପାକିସ୍ତାନର ହାତ ରହିଛି ବୋଲି ଆଫଗାନ ସରକାର ଖୋଲାଖୋଲି ଘୋଷଣା କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତ ୨୦ ତାରିଖରେ କାବୁଲ ସ୍ଥିତ ଇଣ୍ଟରକଣ୍ଟିନେଣ୍ଟାଲ ହୋଟେଲରେ ହୋଇଥିବା ଆତଙ୍କବାଦୀ ଆକ୍ରମଣର ଷଡ଼ଯନ୍ତ୍ର ପାକିସ୍ତାନର କୁଖ୍ୟାତ ଗୁଇନ୍ଦା ସଂସ୍ଥା ଆଇଏସଆଇ ପକ୍ଷରୁ କରାଯାଇଥିବା ଆଫଗାନ ସରକାର କହିଛନ୍ତି । ଜାତିସଂଘରେ ଅବସ୍ଥାପିତ ଆଫଗାନିସ୍ତାନ ପ୍ରତିନିଧି ମହମ୍ମଦ ସୈକାଲ କହିଛନ୍ତି ଯେ ଏହି ଆତଙ୍କବାଦୀ କାଣ୍ଡରେ ସାମିଲ ଥିବା ଜଣେ ଆତଙ୍କବାଦୀର ବାପା ଆବଦୁଲ କହର ମାନିଛି ଯେ ତା ପୁଅ ପାକିସ୍ତାନର ବେଲୁଚିସ୍ତାନ ରାଜ୍ୟର ଚମନଠାରେ ତାଲିମ ପାଇଥିଲା ।
Abdul Qahar, father of one of the terrorists involved in last week attack on #Kabul Intercontinental Hotel, concedes his son was trained in Chaman of #Balochistan Province of #Pakistan by the Inter-Services Intelligence of Pakistan.Qahar is currently in custody of Afg authorities pic.twitter.com/5FsZRoBtNC
— Mahmoud Saikal (@MahmoudSaikal) January 29, 2018
ଗତ ୨୦ ତାରିଖରେ କାବୁଲ ସ୍ଥିତ ଇଣ୍ଟରକଣ୍ଟିନେଣ୍ଟାଲ ହୋଟେଲରେ ଆତଙ୍କବାଦୀ ଆକ୍ରମଣ ଯୋଗୁଁ ୨୫ ଜଣ ଲୋକ ପ୍ରାଣ କରାଇଥିଲେ । ଆତଙ୍କବାଦୀମାନେ ପ୍ରତି ରୁମକୁ ଯାଇ ବିଦେଶୀ ପର୍ଯ୍ୟଟକମାନଙ୍କୁ ଖୋଜି ଖୋଜି ମାରିଥିଲେ । ଆପଗାନ ସୁରକ୍ଷା କର୍ମୀଙ୍କୁ ପ୍ରତିଆକ୍ରମଣରେ ଏହି ଆତଙ୍କବାଦୀମାନେ ପ୍ରାଣ ହରେଇଥିଲେ । ତାଙ୍କପାଖରୁ ମିଳିଥିବା ଅସ୍ତ୍ରଶସ୍ତ୍ର, ଉପକରଣ, ନାଇଟ୍ ଭିଜନ ଚଷମା ଆଦି ପାକିସ୍ତାନି ନିର୍ମିତ ବୋଲି ତଦନ୍ତରୁ ଜଣାପଡିଥିଲା ।