ଭିଡିଓ: ଜମ୍ମୁ କଶ୍ମୀରରେ ୮ ଆତଙ୍କବାଦୀ ନିହତ, ଏସଡିପିଓ ସମେତ ୧୨ ସୁରକ୍ଷାକର୍ମୀ ଆହତ
କାକରିଆଲ: ଜମ୍ମୁ କଶ୍ମୀରରେ ଗୁରୁବାର ସେନା ପକ୍ଷରୁ ଆତଙ୍କବାଦୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯାଇଛି। ଗୋଟିଏ ଦିନରେ ୮ ଜଣ ଆତଙ୍କବାଦୀ ନିହତ ହୋଇଛନ୍ତି। ଘାଟିର ରିଆସୀ ଜିଲ୍ଲାରେ ହୋଇଥିବା ଏନ୍କାଉଣ୍ଟରେ ଆତଙ୍କବାଦୀ ସଂଗଠନ ‘ଜୈଶ-ଏ-ମହମ୍ମଦ’ର ୩ ଜଣ ଆତଙ୍କବାଦୀଙ୍କୁ ସେନାର ଯବାନମାନେ ନିହତ କରିଛନ୍ତି। ଏହି ଏନ୍କାଉଣ୍ଟରରେ ନଗରୋଟା ପୁଲିସ ଉପାଧିକ୍ଷକ ସମେତ ୧୨ ଜଣ ସୁରକ୍ଷାକର୍ମୀ ଆହତ ହୋଇଛନ୍ତି। ଏହା ପୂର୍ବରୁ ସୁରକ୍ଷାବାହିନୀର ଯବାନମାନେ ସୋପାରରେ ଆଜି ସକାଳୁ ୨ ଜଣ ଓ ନିୟନ୍ତ୍ରଣ ରେଖା ନିକଟରେ ୩ ଆତଙ୍କବାଦୀଙ୍କୁ ନିହତ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଜଣେ ପୁଲିସ ଅଧିକାରୀ ଜାତୀୟ ଗଣମାଧ୍ୟମକୁ ସୂଚନା ଦେଇଛନ୍ତି, ଘେରାବନ୍ଦୀ ଓ ତଲାସି ଅଭିଯାନ ସମୟରେ ସୁରକ୍ଷାବାହିନୀ ରିଆସୀ ଜିଲ୍ଲାର କକରିଆଲ ଅଞ୍ଚଳରେ ଏକ ଘର ନିକଟକୁ ପହଞ୍ଚି ଯାଇଥିଲେ। ସେଠାରେ ସେମାନେ ଆତଙ୍କବାଦୀମାନଙ୍କୁ ଘେରାବନ୍ଦୀ କରିଥିଲେ। ସେ କହିଛନ୍ତି, ସିଆରପିଏଫ, ପୁଲିସ ଓ ସେନାର ଯବାନଙ୍କ ମିଳିତ ଅଭିଯାନ ବଳରେ ଏନ୍କାଉଣ୍ଟର ହୋଇଥିଲା। ଅଧିକାରୀ କହିଛନ୍ତି ‘ଜୈଶ-ଏ-ମହମ୍ମଦ’ର ୩ ଜଣ ଆତଙ୍କବାଦୀଙ୍କ ସଂପର୍କରେ ତଥ୍ୟ ଜାଣିବା ପାଇଁ ବୁଧବାର ଠାରୁ ତଲାସି ଅଭିଯାନ ଜାରି ରହିଥିଲା। ନିହତ ହୋଇଥିବା ଆତଙ୍କବାଦୀଙ୍କ ବୟସ ୧୮ରୁ ୨୨ ବର୍ଷ ମଧ୍ୟରେ ହେବ।
#WATCH: Encounter underway between security forces & terrorists in Jammu’s Kakriyal. 2 terrorists have been killed so far & 9 security personnel have been injured. Locals & journalists take cover. Visuals are deferred. #JammuAndKashmir pic.twitter.com/NLuGQkBCKP
— ANI (@ANI) September 13, 2018
ଏନ୍କାଉଣ୍ଟର ସମ୍ବନ୍ଧୀତ ଏକ ଭିଡିଓ ମଧ୍ୟ ସାମ୍ନାକୁ ଆସିଛି, ଯେଉଁଥିରେ କି କିଛି ଲୋକ ଫସି ଯାଇଥିବା ଦୃଶ୍ୟଗୋଚର ହେଉଛି। ସ୍ଥାନୀୟ ଲୋକେ ଭୂମିରେ ଶୋଇଛନ୍ତି। ଜଣେ ସାମ୍ବାଦିକ କ୍ୟାମେରା ସହିତ ମାଟିରେ ଶୋଇଥିବା ଦୃଶ୍ୟ ମଧ୍ୟ ଦେଖାଯାଇଛି।