‘କଳ୍କୀ’ ଭାରତୀୟ ସିନେମାକୁ ଏକ ଭିନ୍ନସ୍ତରକୁ ନେଇଯିବ: ଫିଲ୍ମକୁ ପ୍ରଶଂସା କରି ଭାଗ-୨କୁ ଅପେକ୍ଷା କରିଥିବା କହିଲେ ରଜନୀକାନ୍ତ
ଚେନ୍ନାଇ: ପ୍ରଭାସଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘କଳ୍କୀ ୨୮୯୮ ଏଡି’ ଜୁନ୍ ୨୭ରେ ପ୍ରେକ୍ଷାଳୟକୁ ଆସିଥିଲା । ଚଳଚ୍ଚିତ୍ରଟି ରିଲିଜ ହେବା ପରଠାରୁ ହଙ୍ଗାମା ସୃଷ୍ଟି କରୁଛି। ନାଗ ଅଶ୍ୱିନଙ୍କ ନିର୍ଦ୍ଦେଶନାରେ ନିର୍ମିତ ଏହି ଚଳଚ୍ଚିତ୍ରକୁ ଚାରିଆଡେ ପ୍ରଶଂସା କରାଯାଉଛି। ଦକ୍ଷିଣର ସୁପରଷ୍ଟାର ରଜନୀକାନ୍ତ ମଧ୍ୟ ଏହାକୁ ପ୍ରଶଂସା କରିବାକୁ ନେଇ ନିଜକୁ ଅଟକାଇ ପାରି ନାହାନ୍ତି।
Sambad is now on WhatsApp
Join and get latest news updates delivered to you via WhatsApp
ପ୍ରଭାସ ଏବଂ ଦୀପିକା ପାଦୁକୋନଙ୍କ ଏହି ଚଳଚ୍ଚିତ୍ର ଦେଖିବା ପାଇଁ ପ୍ରଥମ ଦିନରେ ଦର୍ଶକଙ୍କ ଭିଡ ଜମିଥିଲା । ଫିଲ୍ମ ବିଷୟରେ ଜନସାଧାରଣଙ୍କ ପ୍ରତିକ୍ରିୟା ମଧ୍ୟ ସାମ୍ନାକୁ ଆସିବାକୁ ଲାଗିଛି। ଚଳଚ୍ଚିତ୍ର ସେଲିବ୍ରିଟି ହୁଅନ୍ତୁ କିମ୍ବା ସମାଲୋଚକ ହୁଅନ୍ତୁ, ସମସ୍ତେ ଏହି ଚଳଚ୍ଚିତ୍ରର ପ୍ରଶଂସା କରିଥିଲେ, ବର୍ତ୍ତମାନ ତାମିଲ ଚଳଚ୍ଚିତ୍ରର ଭେଟେରାନ ସୁପରଷ୍ଟାର ରଜନୀକାନ୍ତ ‘କଳ୍କୀ ୨୮୯୮ ଏଡି’ର ଟିମ୍କୁ ମଧ୍ୟ ପ୍ରଶଂସା କରିଛନ୍ତି ଏବଂ କହିଛନ୍ତି ଯେ ଏହି ଚଳଚ୍ଚିତ୍ର ଭାରତୀୟ ସିନେମାକୁ ଏକ ଭିନ୍ନସ୍ତରକୁ ନେଇଯିବ।
Watched Kalki. WOW! What an epic movie! Director @nagashwin7 has taken Indian Cinema to a different level. Hearty congratulations to my dear friend @AswiniDutt @SrBachchan @PrabhasRaju @ikamalhaasan @deepikapadukone and the team of #Kalki2898AD. Eagerly awaiting Part2.God Bless.
— Rajinikanth (@rajinikanth) June 29, 2024
ଫିଲ୍ମ ‘କଳ୍କୀ ୨୮୯୮ ଏଡି’ରେ ନାଗ୍ ଅଶ୍ୱିନ୍ ନିର୍ଦ୍ଦେଶନା ଦେଇଛନ୍ତି। ଏଥିରେ ଅମିତାଭ ବଚ୍ଚନ, କମଲ ହାସନ, ପ୍ରଭାସ, ଦୀପିକା ପାଦୁକୋନ ଏବଂ ଦିଶା ପଟ୍ଟନି ଅଭିନୟ କରିଛନ୍ତି। ରଜନୀକାନ୍ତ ତାଙ୍କ ଏକ୍ସ ଆକାଉଣ୍ଟରେ ଫିଲ୍ମ ଟିମ୍ ପାଇଁ ଏକ ନୋଟ୍ ଲେଖିଛନ୍ତି। ଅଭିନେତା ଲେଖିଛନ୍ତି, ସେ ଏହି ଫିଲ୍ମ ଦେଖିଛନ୍ତି। ବାହା! କି ଚମତ୍କାର ଚଳଚ୍ଚିତ୍ର। ନିର୍ଦ୍ଦେଶକ ନାଗ ଅଶ୍ୱିନ ଭାରତୀୟ ସିନେମାକୁ ଏକ ଭିନ୍ନସ୍ତରକୁ ନେଇଛନ୍ତି। ମୋର ପ୍ରିୟ ବନ୍ଧୁ ଅଶ୍ୱିନୀ ଦତ୍ତ, ପ୍ରଭାସ, କମଲ ହାସନ, ଦୀପିକା ପାଦୁକୋନ ଏବଂ ‘କଳ୍କୀ ୨୮୯୮ ଏଡି’ ଟିମ୍କୁ ହାର୍ଦ୍ଦିକ ଅଭିନନ୍ଦନ। ଭାଗ-୨ ପାଇଁ ଉତ୍ସାହର ସହିତ ଅପେକ୍ଷା। ଭଗବାନ୍ ମଙ୍ଗଳ କରନ୍ତୁ।
ରିଲିଜ୍ ହେବା ପରେ ‘କଳ୍କୀ ୨୮୯୮ ଏଡି’ ହେଡଲାଇନରେ ରହିଛି। ଏହାର ସିନେମାଟୋଗ୍ରାଫି, ଚିତ୍ରନାଟ୍ୟ, ଚଳଚ୍ଚିତ୍ରର ସଂଳାପ ଏବଂ ବିଶେଷକରି ପ୍ରଭାସ ଏବଂ ଅମିତାଭଙ୍କ ମଧ୍ୟରେ ଯୁଦ୍ଧ ଦୃଶ୍ୟ ଲୋକଙ୍କ ହୃଦୟ ଜିତୁଛି। ଏହି ଚଳଚ୍ଚିତ୍ରଟି ଏସ୍ ରାଜାମୌଳି, ଯଶ, ବିଜୟ ଦେବରାକୋଣ୍ଡା, ଋଷଭ ଶେଟ୍ଟୀ, ନାଗାର୍ଜୁନ, ସନ୍ଦୀପ ରେଡ୍ଡୀ ଭଙ୍ଗା ଏବଂ ଅନ୍ୟମାନଙ୍କ ଦ୍ୱାରା ବେଶ୍ ପ୍ରଶଂସିତ ହୋଇସାରିଛି।
‘କଳ୍କୀ ୨୮୯୮ ଏଡି’ ଚଳଚ୍ଚିତ୍ରରେ ଅମିତାଭ ବଚ୍ଚନ ଭଗବାନ ବିଷ୍ଣୁଙ୍କ ଦଶମ ଅବତାର ‘କଳ୍କୀ’କୁ ଅପେକ୍ଷା କରିଥିବା ଅଶ୍ୱତ୍ଥମାଙ୍କ ଭୂମିକାରେ ଅଭିନୟ କରିଛନ୍ତି। ରିପୋର୍ଟ ଅନୁଯାୟୀ, ‘କଳ୍କୀ ୨୮୯୮ ଏଡି’ ତେଲୁଗୁ ଭାଷାରେ ସର୍ବାଧିକ କଲେକସନ୍ କରିଛି। ଏହି ଚଳଚ୍ଚିତ୍ର ତେଲୁଗୁ ଭାଷାରେ ୧୨୬.୯ କୋଟି ଟଙ୍କା ଆୟ କରିଥିବାବେଳେ ହିନ୍ଦୀରେ ୭୨.୫ କୋଟି ଟଙ୍କା ଆୟ କରିଛି। ଚଳଚ୍ଚିତ୍ରଟି ଏହାର ଉଦଘାଟନୀ ଦିନରେ ରେକର୍ଡ ଭାଙ୍ଗିଥିଲା । ପ୍ରଥମ ଦିନରେ ‘କଳ୍କୀ’ ବିଶ୍ୱ ବକ୍ସ ଅଫିସରେ ୧୯୧ କୋଟି ଟଙ୍କା ସଂଗ୍ରହ କରିଛି।