କଙ୍ଗନାଙ୍କ ଟାର୍ଗେଟରେ ଆମେରିକାର ରାଷ୍ଟ୍ରପତି ଜୋ ବାଇଡେନ୍; କହିଲେ; ବାଇଡେନ୍ ଆମେରିକାର ରାଷ୍ଟ୍ରପତି ନା ଚୀନର ରାଷ୍ଟ୍ରଦୂତ
ନୂଆଦିିଲ୍ଲୀ: ଆମେରିକା ରାଷ୍ଟ୍ରପତି ଭାବେ ଦାୟିତ୍ବ ନେବା ପରେ ଜୋ ବାଇଡେନ ଚୀନ ସହ ଆମେରିକାର ସଂପର୍କ ମଜବୁତ କରିବା ପାଇଁ ରାଷ୍ଟ୍ରପତି ସି.ଜିନପିଙ୍ଗଙ୍କ ସହ କଥା ହୋଇଥିଲେ । ଏହି କଥାବାର୍ତ୍ତା ବେଳେ ଉଭୟ ଦେଶର ଲୋକଙ୍କର ସୁରକ୍ଷା, ବିକାଶ, ସ୍ୱାସ୍ଥ୍ୟ ଓ ଜୀବିକାକୁ ସୁରକ୍ଷିତ କରିବା ନେଇ ଦୁଇ ରାଷ୍ଟ୍ର ମୁଖ୍ୟ ଆଲୋଚନା କରିଥିଲେ। ଏହା ସହ ସ୍ୱତନ୍ତ୍ର ଓ ମୁକ୍ତ ଭାରତ-ପ୍ରଶାନ୍ତ ମହାସାଗରୀୟ କ୍ଷେତ୍ରକୁ ସଂରକ୍ଷିତ କରିବା ନେଇ ପ୍ରାଥମିକତା ଦେବାକୁ ସେମାନଙ୍କ ଭିତରେ ଆଲୋଚନା ହୋଇଥିଲା । ଏହି ଆଲୋଚନା ପରେ ବାଇଡେନ ଜିନପିଙ୍ଗଙ୍କୁ ଖୁବ ପ୍ରଶଂସା କରିଥିଲେ ।
Sambad is now on WhatsApp
Join and get latest news updates delivered to you via WhatsApp
Look at this tail wagging, submissive, meek little pet of China, is he president of United States or a China ambassador? Shame on you American today China is world’s biggest power because you gave it that top spot it was lusting for on a platter. https://t.co/ujRz4jUbmL
— Kangana Ranaut (@KanganaTeam) February 18, 2021
ତେବେ ଏହାର ଏକ ଭିଡିଓ ସାମ୍ନାକୁ ଆସିବା ପରେ ବଲିଉଡ ଅଭିନେତ୍ରୀ କଙ୍ଗନା ରାଣାୱତ ନିଜର ପ୍ରତିକ୍ରିୟା ରଖିଛନ୍ତି । ଏ ନେଇ କଙ୍ଗନା ଅନେକ ଟ୍ୱିଟ୍ କରି ଆମେରିକାର ରାଷ୍ଟ୍ରପତିଙ୍କୁ ଟାର୍ଗେଟ୍ କରିଛନ୍ତି । କଙ୍ଗନା ତାଙ୍କ ଟ୍ୱିଟରେ ଲେଖିଛନ୍ତି କି, ଦେଖନ୍ତୁ କିଭଳି ଭାବେ ଚୀନର ଆଜ୍ଞାକାରୀ ଗୃହପାଳିତ ପଶୁ ଲାଙ୍ଗୁଡ ହଲାଉଛନ୍ତି । ବାଇଡେନ୍ ଆମେରିକାର ରାଷ୍ଟ୍ରପତି ନା ଚୀନର ରାଷ୍ଟ୍ରଦୂତ ବୋଲି ଟୁଇଟ କରି ସେ ବାଇଡେନଙ୍କୁ ଆକ୍ଷେପ କରିଛନ୍ତି । ଏବେ ଚୀନ ବିଶ୍ୱର ସବୁଠାରୁ ଶକ୍ତିଶାଳୀ ରାଷ୍ଟ୍ର ଭାବେ ଉଭା ହେବାକୁ ଯାଉଛି । ଚୀନର ଏଭଳି ଅଭିବୃଦ୍ଧି ପଛରେ ଆମେରିକାର ହାତ ରହିଛି ବୋଲି ଟୁଇଟ କରିଛନ୍ତି କଙ୍ଗନା ।
କଙ୍ଗନା ରାଣାୱତ ସୋସିଆଲ ମିଡିଆରେ ବେଶ୍ ସକ୍ରିୟ ଅଛନ୍ତି । କିଛି ଦିନ ତଳେ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାରେ ବିବାଦୀୟ ଟ୍ୱିଟ କରି ଲୋକ ଲୋଚନକୁ ଆସିଥିଲେ । ଏ ନେଇ ମହାରାଷ୍ଟ୍ର ସରକାରଙ୍କ ସହ ତାଙ୍କର ବାକ୍ୟଯୁଦ୍ଧ ଦେଶର ରାଜନୀତିକୁ ସରଗରମ କରିଥିଲା । ଏହାପରେ କୃଷକ ଆନ୍ଦୋଳନକୁ ନେଇ ସେ କରିଥିବା ଟ୍ୱିଟ୍ ବେଶ୍ ଚର୍ଚ୍ଚିତ ହୋଇଥିଲା । ଆନ୍ଦୋଳନରତ କୃଷକମାନଙ୍କୁ ଦେଶଦ୍ରୋହୀ, ଖଲିସ୍ଥାନୀ ଓ ଟୁକଡେ ଟୁକଡେ ଗ୍ୟାଙ୍ଗ କହିବା ପରେ ଚାରିଆଡୁ ସମାଲୋଚନାର ଶିକାର ହୋଇଥିଲେ କଙ୍ଗନା । ଏବେ ଜାତୀୟ ନୁହେଁ ଆନ୍ତର୍ଜାତୀୟ ରାଜନୀତିରେ କଙ୍ଗନାଙ୍କ ମତମନ୍ତବ୍ୟ ତାଙ୍କୁ ବିବାଦ ଭିତରକୁ ଟାଣି ନେବନି ତ ?