ବାଂଲାଦେଶୀଙ୍କ ପାଇଁ ଜିତିଲେ ମମତା ବାନାର୍ଜୀ: କଙ୍ଗନା
କୋଲକାତା: ଆଜି ପଶ୍ଚିମବଙ୍ଗ ବିଧାନସଭା ନିର୍ବାଚନର ଫଳାଫଳ ଘୋଷଣା ହୋଇଥିବାବେଳେ ଏଥିରେ ତୃଣମୂଳ କଂଗ୍ରେସ ଦମଦାର ବିଜୟ ହାସଲ କରିଛି | ତେବେ ଏହାକୁ ନେଇ ମୁହଁ ଖୋଲିଛନ୍ତି ବଲିଉଡ ଅଭିନେତ୍ରୀ କଙ୍ଗନା ରାନାୱତ | ନିଜର ବିବାଦୀୟ ଟ୍ୱିଟ ପାଇଁ ସବୁବେଳେ ଚର୍ଚ୍ଚାରେ ରହୁଥିବା କଙ୍ଗନା ଆଜି ଟ୍ୱିଟ କରି ଲେଖିଛନ୍ତି ଯେ ମମତା ବାନାର୍ଜୀ କାହିଁକି ପଶ୍ଚିମବଙ୍ଗରେ ଜିତୁଛନ୍ତି। ବାସ୍ତବରେ, ପଶ୍ଚିମବଙ୍ଗର ନିର୍ବାଚନ ଟିଏମସି ସପକ୍ଷରେ ଯାଇଛି।
Sambad is now on WhatsApp
Join and get latest news updates delivered to you via WhatsApp
ଏଥି ସହିତ ପଶ୍ଚିମବଙ୍ଗରେ ମୋଦୀ ଏବଂ ଶାହାଙ୍କ ଯୋଡି ସମ୍ପୂର୍ଣ୍ଣ ଅସଫଳ ହୋଇଥିବା ପ୍ରମାଣିତ ହୋଇଛି। ଏହା ପରେ ଟିଏମସିର ବିଜୟ ଏବଂ ବିଜେପିର ପରାଜୟକୁ ନେଇ କଙ୍ଗନା ରାନାୱତ ଟ୍ୱିଟ୍ କରି ଲେଖିଛନ୍ତି ଯେ ମମତା ବାନାର୍ଜୀଙ୍କୁ ରୋହିଙ୍ଗ୍ୟା ମୁସଲମାନ ଓ ବାଂଲାଦେଶୀମାନେ ଜିତାଇଛନ୍ତି |
Bangladeshi’s and Rohingyas are biggest strength of Mamata…. with the way trend is looking shows Hindus are no more majority there, and according to the data Bangali Muslims are the poorest and most deprived in whole India, good another Kashmir in the making… #Elections2021
— Kangana Ranaut (@KanganaTeam) May 2, 2021
କଙ୍ଗନା ରାନାୱତ ତାଙ୍କ ଟ୍ୱିଟରେ ଲେଖିଛନ୍ତି ଯେ ବାଂଲାଦେଶୀ ଏବଂ ରୋହିଙ୍ଗ୍ୟା ମୁସଲମାନ ମମତାଙ୍କର ସବୁଠାରୁ ବଡ ଶକ୍ତି। ପରିସଂଖ୍ୟାନ ଅନୁଯାୟୀ, ପଶ୍ଚିମବଙ୍ଗର ମୁସଲମାନମାନେ ସମଗ୍ର ଭାରତରେ ସବୁଠାରୁ ଗରିବ ହୋଇଥିବାବେଳେ ଭଲ କଥା, ଯେ ଆଉ ଏକ କାଶ୍ମୀର ତିଆରି କରାଯାଉଛି।