“ଅଯୋଧ୍ୟା ଯିବାରେ କିପରି ଦ୍ବିଧା?” ନିଜ ଦଳ ଉପରେ ବର୍ଷିଲେ ବରିଷ୍ଠ କଂଗ୍ରେସ ନେତା

ନୂଆଦିଲ୍ଲୀ: ଅଯୋଧ୍ୟାରେ ହେବାକୁ ଥିବା ରାମ ଲଲ୍ଲାଙ୍କ ପ୍ରାଣ ପ୍ରତିଷ୍ଠା ସମାରୋହରେ ଯୋଗ ଦେବାକୁ କଂଗ୍ରେସକୁ ନିମନ୍ତ୍ରଣ ମିଳିଥିଲେ ବି ଦଳ ସେଠାକୁ ନ ଯିବାକୁ ନିଷ୍ପତ୍ତି ନେଇଛି । ନିଜର ଦଳର ଏହି ନିଷ୍ପତ୍ତିକୁ ନାପସନ୍ଦ କରିଛନ୍ତି ବରିଷ୍ଠ କଂଗ୍ରେସ ନେତା ତଥା କଶ୍ମୀରର ପୂର୍ବତନ ମହାରାଜା ହରି ସିଂଙ୍କ ପୁତ୍ର ଡ. କରନ ସିଂ । କରଣ ସିଂ ଶୁକ୍ରବାର କହିଛନ୍ତି ଯେ ଅଯୋଧ୍ୟା ଜମି ବିବାଦ ମାମଲାରେ ସୁପ୍ରିମ୍ କୋର୍ଟ ରାୟ ଦେଇଛନ୍ତି। ଏହାପରେ ଜାନୁଆରୀ ୨୨ତାରିଖରେ ହେବାକୁ ଥିବା ରାମ ମନ୍ଦିର ଜୀବନ ସମାରୋହରେ ଯୋଗ ଦେବାରେ କୌଣସି ଦ୍ୱିଧା ରହିବା ଉଚିତ ନୁହେଁ। ଏହି ଐତିହାସିକ ସମାରୋହ ପାଇଁ ତାଙ୍କୁ ନିମନ୍ତ୍ରଣ ମିଳିଛି ବୋଲି ସିଂହ ଏକ ବିବୃତିରେ କହିଛନ୍ତି। କିନ୍ତୁ ସ୍ୱାସ୍ଥ୍ୟଗତ କାରଣରୁ ସେ ଏଥିରେ ଯୋଗ ଦେଇପାରିବେ ନାହିଁ। ସେ କହିଛନ୍ତି ଯେ ଏହି କାର୍ଯ୍ୟକ୍ରମକୁ ସମଗ୍ର ବିଶ୍ୱରେ ପାଖାପାଖି ଏକ ଶହ କୋଟି ହିନ୍ଦୁ ପାଳନ କରିବେ ।

ସେ କହିଛନ୍ତି, ରାମ ମନ୍ଦିର ନିର୍ମାଣ ପାଇଁ ମୁଁ ବ୍ୟକ୍ତିଗତ ଭାବେ ୧୧ ଲକ୍ଷ ଟଙ୍କା ଦାନ କରିଛି ଏବଂ ଜଣେ ରଘୁବଂଶୀଭାବେ ଏହି ସମାରୋହରେ ସାମିଲ ହେବା ଅତ୍ୟନ୍ତ ଆନନ୍ଦଦାୟକ ହୋଇଥାନ୍ତା । କିନ୍ତୁ ଦୁଃଖର କଥା ଯେ, ମୁଁ ୯୩ ବର୍ଷ ବୟସରେ ପହଞ୍ଚିବା ପରେ ସ୍ୱାସ୍ଥ୍ୟଗତ କାରଣରୁ ସେଠାକୁ ଯିବା ମୋ ପାଇଁ ସମ୍ଭବ ହେବ ନାହିଁ । '