କାରଗିଲ ଯୁଦ୍ଧ ଥିଲା ବାଜପେୟୀଙ୍କ ଏକ ବଡ଼ ସଫଳତା, ଏକ ସାମରିକ ତ୍ରୁଟିକୁ ସେ ବଡ଼ ବିଜୟରେ ପରିଣତ କରିଥିଲେ : ପୂର୍ବତନ ନୌସେନାମୁଖ୍ୟ
ନୂଆଦିଲ୍ଲୀ : ଭାରତ ଏବର୍ଷ କାରଗିଲ ଯୁଦ୍ଧର ୨୦ ତମ ବାର୍ଷିକୀ ପାଳନ କରୁଛି । ୧୯୯୯ରେ ଭାରତୀୟ ସେନା ଅସୀମ ବୀରତ୍ୱର ପ୍ରଦର୍ଶନ କରି କାଶ୍ମୀରର କାରଗିଲ ସେକ୍ଟରରେ ଅନୁପ୍ରବେଶ କରିଥିବା ପାକିସ୍ତାନୀ ସେନାକୁ ଘଉଡେଇଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ତେବେ ଏହି ଯୁଦ୍ଧ ପୂର୍ବତନ ପ୍ରଧାନମନ୍ତ୍ରୀ ଅଟଳବିହାରୀ ବାଜପେୟୀଙ୍କ ସବୁଠାରୁ ବଡ଼ ସଫଳତା ବୋଲି କହିଛନ୍ତି ପୂର୍ବତନ ନୌସେନା ମୁଖ୍ୟ ଆଡମିରାଲ ଶୁଶୀଲ କୁମାର । ନିଜର ପୁସ୍ତକ “ ଏ ପ୍ରାଇମ ମିନିଷ୍ଟର ଟୁ ରିମେମ୍ବର-ମେମୋରୀଜ ଅଫ ଏ ମିଲିଟାରୀ ଚିଫ” (ଜଣେ ସ୍ମରଣୀୟ ପ୍ରଧାନମନ୍ତ୍ରୀ-ଜଣେ ସେନାମୁଖ୍ୟଙ୍କ ସ୍ମୃତି ) ରେ ସେ ଲେଖିଛନ୍ତି ଯେ ୨୩ଟି ଦଳକୁ ନେଇ ମିଳିତ ସରକାର ଚଳାଉଥିବା ଜଣେ ପ୍ରଧାନମନ୍ତ୍ରୀଙ୍କ କାର୍ଯ୍ୟକାଳରେ ଯୁଦ୍ଧ ପରିସ୍ଥିତି ଆସିବା ଦୁର୍ଭାଗ୍ୟଜନକ ।
ଭାରତୀୟ ସୀମା ଭିତରେ ପାକିସ୍ତାନର ସେନା ଆତଙ୍କବାଦୀ ବେଶରେ ପ୍ରବେଶ କରି ବଙ୍କର ନିର୍ମାଣ କରିବା ଆମ ଦୁର୍ବଳତାକୁ ପଦାରେ ପକେଇଦେଇଥିଲା । କିନ୍ତୁ ବାଜପେୟୀ ଏହି ରଣନୈତିକ ତ୍ରୁଟିକୁ ଅତିକ୍ରମ କରି ତାହାକୁ ଭାରତର ଏକ ବଡ଼ ବିଜୟରେ ପରିଣତ କରିଦେଇଥିଲେ । ତେବେ ସେ କେବଳ ପାକିସ୍ତାନୀ ସେନାକୁ ନିୟନ୍ତ୍ରଣ ରେଖା ସେପଟକୁ ଘଉଡେଇଦେବାକୁ ନିର୍ଦ୍ଦେଶ ଦେଇଥିଲେ, କିନ୍ତୁ ନିୟନ୍ତ୍ରଣ ରେଖା ଟପିବାକୁ ସେ ସେନାକୁ ଅନୁମତି ଦେଇନଥିଲେ ବୋଲି ସେ ଲେଖିଛନ୍ତି ।