ବେଙ୍ଗାଲୁରୁ: କଂଗ୍ରେସ ବିଧାୟକ ଜମିର ଅହମ୍ମଦ ଖାନଙ୍କ ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭାଇରାଲ ଭିଡିଓରେ ଦେଖାଯାଇଛି ଯେ, ସେ ଦଲିତ ସମାଜର ସନ୍ଥ ନାରାୟଣଙ୍କ ପାଟିରରୁ ଖାଦ୍ୟ ଆଣି ନିଜେ ଖାଉଛନ୍ତି। ସମ୍ପ୍ରଦାୟ ମଧ୍ୟରେ ମତଭେଦ ସୃଷ୍ଟି କରୁଥିବା କଠୋରପନ୍ଥୀମାନଙ୍କୁ ଟାର୍ଗେଟ କରି ଅହମ୍ମଦ ଖାନ ଏଭଳି କରିଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ଭାଇରାଲ ହେଉଥିବା ଭିଡିଓରେ ଦେଖାଯାଇଛିି ଯେ, କଂଗ୍ରେସ ବିଧାୟକ ଜମିର ଅହମ୍ମଦ ଖାନ ଟେବୁଲ ଉପରେ ରଖାଯାଇଥିବା ଖାଦ୍ୟ ଥାଳିରୁ ଖାଦ୍ୟ ନେଇ ସନ୍ଥ ନାରାୟଣଙ୍କୁ ଖୁଆଉଛନ୍ତି। ଏହା ପରେ ସନ୍ଥ ନାରାୟଣ ମଧ୍ୟ କଂଗ୍ରେସ ବିଧାୟକ ଜମିର ଅହମ୍ମଦ ଖାନଙ୍କୁ ଖାଦ୍ୟ ଖୁଆଇବା ପାଇଁ ଥାଳି ଆଡକୁ ହାତ ନେବା ପରେ ବିଧାୟକ ଜମିର ଅହମ୍ମଦ ଖାନ ତାଙ୍କୁ ଏଭଳି କରିବାକୁ ମନା କରୁଛନ୍ତି। ଥାଳିରୁ ନୁହେଁ ବରଂ ନିଜ ପାଟିରୁ ଅଇଁଠା ଖାଦ୍ୟ କାଢ଼ି ମୋତେ ଖୁଆଅ ବୋଲି କହୁଛନ୍ତି ବିଧାୟକ ଜମିର ଅହମ୍ମଦ ଖାନ। ବିଧାୟକ କଥା ଶୁଣି ସନ୍ଥ ନାରାୟଣ ନିଜ ପାଟିରୁ ଖାଦ୍ୟ କାଢ଼ି ବିଧାୟକଙ୍କୁ ଖୁଆଉଛନ୍ତି। ଏଭଳି ଦୃଶ୍ୟ ଦେଖିବା ପରେ ଉପସ୍ଥିତ ଲୋକେ ତାଳି ମାରି ବିଧାୟକଙ୍କ ପ୍ରଶଂସା କରୁଛନ୍ତି।
#WATCH Bengaluru, Karnataka: In an attempt to set an example seemingly against caste discrimination, Congress Chamarajapete MLA BZ Zameer A Khan feeds Dalit community’s Swami Narayana & then eats the same chewed food by making Narayana take it out from his mouth to feed him(22.5) pic.twitter.com/7XG0ZuyCRS
— ANI (@ANI) May 22, 2022
ଜାତୀୟ ଗଣମାଧ୍ୟମ ଏନଡିଟିଭି ଅନୁଯାୟୀ, ଚାମରାଜପେଟରେ ଆମ୍ବେଦକର ଜୟନ୍ତୀ-ଇଦ୍ ମିଲନ୍ ଅବସରରେ ଏକ କାର୍ଯ୍ୟକ୍ରମର ଆୟୋଜନ କରାଯାଇଥିଲା। ରବିବାର ଦିନ ଅନୁଷ୍ଠିତ ଏହି କାର୍ଯ୍ୟକ୍ରମରେ ଜମିର ଖାନ ସମ୍ପ୍ରଦାୟ ମଧ୍ୟରେ ମତଭେଦ ହ୍ରାସ କରିବା ବିିଷୟରେ ଆଲୋଚନା କରିବା ସହ ସନ୍ଥଙ୍କକ ପାଟିରୁ ଅଇଁଠା ଖାଦ୍ୟ ଖାଇ କଠୋରପନ୍ଥୀମାନଙ୍କୁ ଟାର୍ଗେଟ କରିଥିଲେ।