ପୂର୍ବତନ ମୁଖ୍ୟମନ୍ତ୍ରୀ ବିଏସ୍ ୟେଦିୟୁରପ୍ପାଙ୍କୁ କର୍ଣ୍ଣାଟକର ଶ୍ରେଷ୍ଠ ବିଧାୟକ ସମ୍ମାନ
ବେଙ୍ଗାଲୁରୁ: ପ୍ରତିବର୍ଷ ଲୋକସଭା ଓ ରାଜ୍ୟସଭାରେ ଶ୍ରେଷ୍ଠ ସାଂସଦମାନଙ୍କୁ ମନୋନୀତ କରାଯାଇ ସମ୍ମାନିତ କରାଯାଏ। ସେହିଭଳି କର୍ଣ୍ଣାଟକ ବିଧାନସଭାରେ ପ୍ରତିବର୍ଷ ଶ୍ରେଷ୍ଠ ବିଧାୟକଙ୍କୁ ଏହି ପୁରସ୍କାର ପ୍ରଦାନ କରାଯିବ। ଶୁକ୍ରବାର ଦିନ ବିଧାନସଭା ବାଚସ୍ପତି ବିଶ୍ୱେଶ୍ୱର ହେଗଡେ କାଗେରୀ ୨୦୨୦-୨୧ ବର୍ଷ ପାଇଁ ପୂର୍ବତନ ମୁଖ୍ୟମନ୍ତ୍ରୀ ଏବଂ ବିଧାୟକ ବିଏସ୍ ୟେଦିୟୁରପ୍ପାଙ୍କୁ ଶ୍ରେଷ୍ଠ ବିଧାୟକ ଭାବେ ମନୋନୀତ କରାଯାଇଥିବା ବିଷୟ ଘୋଷଣା କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
Bengaluru: Karnataka Legislative Assembly named former chief minister BS Yediyurappa as best legislator of the year 2020-21. Lok Sabha Speaker Om Birla presented him with a memento. pic.twitter.com/xgQetimgmC
— ANI (@ANI) September 24, 2021
ଶୁକ୍ରବାର ଦିନ ବିଧାନସଭାରେ ଲୋକସଭା ବାଚସ୍ପତି ଓମ ବିର୍ଲା, କର୍ଣ୍ଣାଟକ ବିଧାନସଭାର ବାଚସ୍ପତି ହେଗଡେ ଏବଂ ଅନ୍ୟ ନେତାମାନଙ୍କ ଉପସ୍ଥିତିରେ ୟେଦିୟୁରପ୍ପାଙ୍କୁ ଏହି ସମ୍ମାନ ପ୍ରଦାନ କରାଯାଇଛି। ଏହି ଅବସରରେ କର୍ଣ୍ଣାଟକ ବିଧାନସଭାରେ ଭାଷଣ ଦେଇ ଲୋକସଭା ବାଚସ୍ପତି ଓମ ବିର୍ଲା କହିଛନ୍ତି ଯେ ଏହି ବିଧାନସଭା ମାଧ୍ୟମରେ ଲୋକଙ୍କ ଆଶା ପୂରଣ ହୁଏ ଏବଂ ଆଇନ ପ୍ରଣୟନ ହୁଏ। ଲୋକମାନଙ୍କର ଆବଶ୍ୟକତା ପୂରଣ କରିବା ପାଇଁ ଆମର ଶାସନ ଲୋକଙ୍କ ଭାବନା ଅନୁଯାୟୀ ହେବା ଉଚିତ। ଏଥିପାଇଁ ଗଣତାନ୍ତ୍ରିକ ଅନୁଷ୍ଠାନଗୁଡ଼ିକୁ ମଜବୁତ କରାଯିବା ଆବଶ୍ୟକ।
ସୂଚନାଯୋଗ୍ୟ, ବିଏସ୍ ୟେଦିୟୁରପ୍ପା ନିକଟରେ ମୁଖ୍ୟମନ୍ତ୍ରୀ ପଦ ଛାଡ଼ିଛନ୍ତି। ତାଙ୍କ ସ୍ଥାନରେ ବସବରାଜ ବୋମ୍ମାଇଙ୍କୁ ରାଜ୍ୟର ନୂତନ ମୁଖ୍ୟମନ୍ତ୍ରୀ କରାଯାଇଛି। ୨୦୦୮ ରେ, ୟେଦିୟୁରପ୍ପା କର୍ଣ୍ଣାଟକ ବିଧାନସଭା ନିର୍ବାଚନରେ ବିଜେପିକୁ ସଂଖ୍ୟାଗରିଷ୍ଠ କରିବା ପରେ ମୁଖ୍ୟମନ୍ତ୍ରୀ ହୋଇଥିଲେ, ଯାହା ଦକ୍ଷିଣ ଭାରତୀୟ ରାଜ୍ୟରେ ବିଜେପି ପାଇଁ ପ୍ରଥମ ଥିଲା।