ବାଙ୍ଗାଲୁରୁ : କେରଳ ଓ କର୍ଣ୍ଣାଟକର କିଛି ଅଂଚଳରେ ଏବେ ଭୟଙ୍କର ବନ୍ୟା ପରିସ୍ଥିତି ସୃଷ୍ଟି ହୋଇଛି । ଦେଶର ସେନା ରିଲିଫ ଓ ଉଦ୍ଧାର କାର୍ଯ୍ୟରେ ନିୟୋଜିତ ହୋଇଛି । ପ୍ରତି ରାଜ୍ୟରେ ସହାୟତାର ସୁଅ ଛୁଟିଛି । କେନ୍ଦ୍ର ସରକାର ୫୦୦ କୋଟି ଟଙ୍କାର ପ୍ରାରମ୍ଭିକ ସହାୟତା ଘୋଷଣା କରିଛନ୍ତି । କିନ୍ତୁ ବିପଦରେ ପଡିଥିବା ଲୋକମାନଙ୍କ ପ୍ରତି କେତେକ ନେତାଙ୍କ ଆଶ୍ଚର୍ଯ୍ୟଜନକ ବ୍ୟବହାର ସାମନାକୁ ଆସିଛି । ଏପରି ଜଣେ ନେତା ହେଉଛନ୍ତି କର୍ଣ୍ଣାଟକ ମୁଖ୍ୟମନ୍ତ୍ରୀ ଏଚଡି କୁମାରସ୍ୱାମୀଙ୍କ ଭାଇ ତଥା କର୍ଣ୍ଣାଟକର ପୂର୍ତ୍ତ ବିଭାଗ ମନ୍ତ୍ରୀ ଏଚଡି ରାବଣା । ନାଁ ରାବଣା, ତାଙ୍କ ବ୍ୟବହାର ମଧ୍ୟ ରାବଣ ପରି ହୋଇଛି ।
Sambad is now on WhatsApp
Join and get latest news updates delivered to you via WhatsApp
Karnataka PWD Minister Revanna Throws Biscuit Packets at Hungry Flood Victims. His Son Apologises https://t.co/2gXXbSMKUv
— tapan kumar (@tapanmoharana) August 20, 2018
ନିକଟରେ ସେ ବନ୍ୟା ବିପନ୍ନଙ୍କୁ ସହାୟତା ବାଣ୍ଟିବାକୁ ଯାଇଥିଲେ । କିନ୍ତୁ ଲୋକମାନଙ୍କୁ ସେ ଯେପରି ଭାବେ ରିଲିଫ ବାଣ୍ଟିଲେ ତାହାକୁ ସବୁଆଡେ ନିନ୍ଦା କରାଯାଉଛି । ସେ କୁକୁରକୁ ବିସ୍କୁଟ ଫିଙ୍ଗିଲା ପରି ଖାଦ୍ୟ ସାମଗ୍ରୀ ଫିଙ୍ଗୁ ଥିବାର ଏକ ଭିଡିଓ ଭାଇରାଲ ହୋଇଛି । ଏହା ପୂର୍ବରୁ ତାଙ୍କ ଭାଇ ତଥା ମୁଖ୍ୟମନ୍ତ୍ରୀ କୁମାରସ୍ୱାମୀଙ୍କର ମଧ୍ୟ ଏକ ଭିଡିଓ ଭାଇରାଲ ହୋଇଥିଲା । ସେ ବିମାନରେ ବସି ଆକାଶମାର୍ଗରୁ ବନ୍ୟା ବିପନ୍ନଙ୍କୁ ନିରୀକ୍ଷଣ କରିବାକୁ ଯାଇଥିଲେ । କିନ୍ତୁ ସେ ବିମାନର ଝରକା ଆଡକୁ ପଛକରି ସମ୍ବାଦପତ୍ର ପଢିବାରେ ବ୍ୟସ୍ତ ଥିଲେ । ଲୋକମାନଙ୍କ ପାଇଁ ଏମାନେ କିପରି କାମ କରୁଥିବେ ତାହା ଏଥିରୁ ପ୍ରମାଣିତ ହେଉଛି ।